Россия Давлат думаси Россия ва Ўзбекистон ўртасида ҳарбий-техникавий ҳамкорликни ривожлантириш тўғрисидаги шартномани ратификация қилди. Бу ҳақда РИА «Новости» хабар бермоқда.

«Шартномага кўра, томонлар ҳарбий мақсадга мўлжалланган маҳсулотларни етказиб беради, қурол-яроғ ва ҳарбий техникани ишлаб чиқариш, фойдаланиш, таъмирлаш, модернизация ва утилизация қилиш соҳасидаги ўзаро ҳаракатларнинг ижобий режими ўрнатилади», - дейилади ҳужжат шарҳида.

Таъкидланишича, шартнома ратификация қилинганидан сўнг уни амалга ошириш механизми Россия президенти Владимир Путин томонидан ўрнатилган тартибда бўлади. «Шартномани амалга ошириш Россия Федерацияси давлат дастурлари мақсадларига эришишга таъсир кўрсатмайди ва ижрочи ҳокимиятнинг федерал идоралар бюджетида кўзда тутилган маблағлар ҳисобидан амалга оширилади», - дея аниқлик киритилган ҳужжатда.