2018 йилда Германияда биринчи ҳаво таксиси пайдо бўлади

Технология 06 Апрель 2017 8509
Фото: E-Volo

Жорий ҳафтада E-Volo немис стартапи электр двигателда ишловчи Volocopter 2X ҳаво таксисини тақдим қилди. 18 та винт билан жиҳозланган қурилма Германияда AERO авиасалонида намойиш қилинди.

Компаниянинг айтишича, Volocopter 2X’нинг аввалги моделлардан устунлиги шундаки, у автоном шаҳар транспорт воситаси сифатида ишлатилиши мумкин. Бошқа сўзлар билан айтганда, Volocopter 2X икки йўловчини ташиш учун мўлжалланган ҳаво таксисидир. Истиқболда у учувчисиз ёки масофадан туриб бошқарилиши мумкин.

"2018 йилгача Volocopter 2X’нинг илк моделлари бошқарилувчи таксилар сифатида қўлланиш учун махсус рухсат олади", дейилган компания баёнотида.

Компаниянинг таъкидлашича, бундай транспорт воситасини спорт учувчилик лицензиясига эга исталган одам бошқара олади. Таъкидланишича, Volocopter 2X унинг баландлик ва ҳолатни ростлаш автоматик тизими ҳисобга олинган ҳолда осон бошқарилади.

Volocopter 2X вертикал учадиган ва қўнадиган транспорт воситалари тоифасига киради. Бу эса унга учиш-қўниш полосасига эҳтиёж сезувчи самолётлар олдида устунлик беради.

E-Volo’нинг кейинги қадами Германия ҳудудида ҳаво таксиси парвозларига рухсат олиш ва ушбу қурилманинг 4 ўриндиқли моделини яратиш бўлади. 

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 27480 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 14502 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 55659 Жамият
«Барселона» энди Ди Марияни сотиб олишга ҳаракат қилади
23:50 / 22.08.2017 4 Спорт
Порошенко Донбассга тинчликпарвар кучлар киритилишини таклиф қилмоқчи
23:48 / 22.08.2017 18 Жаҳон
Мадуро Венесуэладаги сиёсий инқирозни фақат тинч йўл билан ҳал қилиш мумкинлигини айтди
23:36 / 22.08.2017 80 Жаҳон
Миробод бозорида пулларни нақдловчи банкомат ишга тушди
23:18 / 22.08.2017 1057 Жаҳон
Эрдўған Туркия Сурия шимолида сохта давлат яратилишига ижозат бермаслигини айтди
23:04 / 22.08.2017 810 Жаҳон
Финляндиядаги ҳайвонот боғида ноодатий лавозим таклиф қилинмоқда
22:51 / 22.08.2017 619 Жаҳон
Маошни оширишни қачон сўраган маъқул?
22:47 / 22.08.2017 2070 Lifestyle
Кўпроқ янгиликлар