Сурияда уруш тўхташига бўлган умид сўнгги вақтларда аввалги йилларга қараганда анча ошди. Бу ҳақда мамлакат президенти Башар Асад Хорватиянинг "Вечерни лист" газетасига берган интервьюсида айтиб ўтди.

"Сурия армияси ўз жангчилари ва халқининг иродаси, шунингдек, Россия, Эрон ва Ливаннинг “Хезболлаҳ” партияси туфайли фронтда катта муваффақиятларга эришди", - дея таъкидлаб ўтди Асад. Унинг сўзларига кўра, ҳукумат қўшинлари Сурияда террорчилар гуруҳларига қаршилик кўрсатаётган асосий кучдир. "Бу ташвиқот эмас, биз ҳақиқий фактларга асосланмоқдамиз", - дея айтиб ўтди у.

Президент интервьюсида келтирилган маълумотларга кўра, Сурия ҳудудида қарийб 100 минг террорчи бор.

"Бизда бу урушда ғалаба қозонишдан бошқа йўл йўқ. Агарда бу рўй бермаса, Сурия Яқин Шарқ харитасидан йўқ бўлиб кетади", - дея қўшимча қилиб ўтди Асад.