Сурияда 100 мингга яқин террорчилар жанг олиб бормоқда ҳамда улар Европа давлатларига бориши мумкин. Бу ҳақда Сурия президенти Башар Асад Хорватиянинг Večernji list газетасига берган интервьюсида айтиб ўтди.

"Муаммо фуқароликда (террорчиларнинг) эмас. Биласизки, террорчилар бутун дунёга худди бир ҳудуддек қарашади. Шунинг учун сизнинг давлатингиз ёки Европага таҳдид фақатгина европаликлардан келиши шарт эмас. Европалик аслида хавфлироқ, сабаби у бу ҳудудда (Европада) ўзини яхши ҳис қилади, бироқ у қайтади ва бошқа давлатлардан бўлган террорчиларни... терактларни амалга ошириш учун олиб келади. Шунинг учун Суриядаги террорчилар сони ҳақида гапирар эканмиз, юз минглаб шундай шахслар ҳақида аниқ гапира оламиз... Камида 100 минг. Албатта, улар келади, кетади ва жангларда ҳалок бўлади", - дея айтиб ўтди президент Сурияда Болқон давлатларидан террорчилар борлиги ҳақидаги маълумотларга эга экани борасидаги саволга жавоб қайтариб.

Асаднинг таъкидлашича, Сурия томони террорчиларнинг давлат ҳудудига ва тескари йўналиш бўйлаб ҳаракат қилишига оид аниқ маълумотларга эга бўла олмайди, сабаби Туркия умумий чегарани мустақил равишда назорат қилмоқда ҳамда шу орқали Сурияга жангарилар кириб келиши ва улар учун барча керакли шароитни яратишга хизмат қилмоқда.