"Тошиссиқликмарказ" ОАЖнинг 9 йирик иссиқлик маркази ва "ТошИЭМ"нинг иссиқлик электр маркази пойтахтдаги бутун иссиқлик энергиясининг 90 фоизини ишлаб чиқаради. 

"Тошиссиққуввати" ИЧБ УКнинг иссиқлик манбалари, жумладан 3 та йирик ва 200 та маҳаллий қозонхоналар Тошкент шаҳридаги иссиқлик энергиясининг жами 10 фоизини ишлаб чиқаради. Шаҳардаги барча қозонхоналарнинг белгиланган қуввати 6233,093 Гкал/соатни ташкил қилади, уланган қуввати - 3602,223 Гкал/соат. Пойтахтда ҳар йили тахминан 9,67 млн. 

Тошкент шаҳри ҳокимлиги томонидан Ўзбекистон Президентининг "2017-2021 йиллар учун Тошкент шаҳри иссиқлик энергияси истеъмолчиларининг иссиқлик таъминоти тизимини марказлашмаган тизимга ўтказиш тўғрисида"ги Қарори лойиҳаси тайёрланган. 

Мазкур лойиҳа мақсади - юқори самарали замонавий қозонлар билан янги маҳаллий қозонлар қуриш, замонавий тежамкор ва энерго-тежамкор технологияларни жорий қилиш, хом ашё ва молиявий ресурслардан самарали ва рационал фойдаланиш, иссиқлик таъминоти ташкилотларининг самарадорлигини ва таъминот бўйича истеъмолчиларга тақдим этилаётган коммунал хизматлар сифатини ошириш йўли билан Тошкент шаҳри иссиқлик таъминоти келгуси ривожланишининг асосий йўналишларини белгилаш. 

Қарор лойиҳасида 2, 3, 5, 6, 7 - ИМ (иссиқлик манбалари) зоналарининг иссиқлик таъминоти истеъмолчиларининг марказлашган тизимларини марказсизлантириш кўзда тутилган, яъни 3459 объект учун 1514 қозонхона ўрнатиш лозим. Ушбу маҳаллий қозонхоналарнинг қурилишида 2, 3, 5, 6, 7 - ИМ зоналарида иссиқлик тармоқларини қайта ётқизишга зарурат йўқолади, чунки ушбу 280,8 км канал иссиқлик тармоқлари фойдаланишдан чиқарилади. Бу эса бир йилда 279,6 минг Гкал иссиқлик энергиясини (йилига 37,9 млн. метр куб табиий газ) тежашга ва фойдаланиш муддатини ўтаб бўлган иссиқлик тармоқларининг йўқлиги сабабли истеъмолчилар иссиқлик таъминотининг мустаҳкамлигини оширишга имкон беради.