Ўзбекистон ва Россия туризм соҳасида ҳамкорлик қилиш бўйича келишув имзолади

Ўзбекистон 06 Апрель 2017 3606

6 апрель куни Ўзбекистон ва Россия ҳукуматлари ўртасидаги туризм соҳасида ҳамкорликни ривожлантириш ҳақидаги келишув имзоланди ва шу кундан бошлаб кучга кирди. Бу ҳақда ҳуқуқ маълумотлари порталига асослани РИА Новости хабар берган.

Икки мамлакат ўз фуқароларини бир-бирининг анъаналари, фан, иқтисодиёт, ижтимоий тараққиёт, маданият, табиат масканлари, тарихий ёдгорликлари билан таништириш мақсадида туризм соҳасидаги ҳамкорликни янада ривожлантиришга келишиб олган.

«Томонлар халқаро анжуманлар, форумлар, семинарлар, кўргазмалар, оммавий ахборот воситаларидаги чиқишлар воситасида «Буюк Ипак йўли» каби ўзаро туристик йўналишлар ҳамда брендларни ривожлантиради», — дейилган хабарда.

ОАВда реклама кампаниялари ва туризмни ривожлантириш бўйича тадбирлар ўтказиш, бир-бирларининг ҳудудларида ташкил қилинадиган туристик ярмарка ва кўргазмаларда иштирок этиш, таништирув саёҳатларини уюштириш, туризм соҳасига инвестициялар киритишни қўллаб-қувватлаш, туризм соҳасида ахборот ва малака алмашиш икки мамлакат ўртасидаги ҳамкорликнинг асосий соҳалари сифатида белгиланган.

Ушбу келишув имзоланган куни — 2017 йил 5 апрелдан кучга кирган.

Февраль ойида бош вазир ўринбосари Рустам Азимов Ўзбекистон ва Россия туризм бўйича келишув имзолаши ҳақида маълум қилганди.

У Россия фуқароларининг Ўзбекистондаги Самарқанд, Бухоро, Хива, Тошкент ва бошқа шаҳарларга ташриф буюришга қизиқиш юқори эканлигини қайд этиб, мазкур йўналишда тарихий, экологик, рекреацион, гастрономик, маданий ва бошқа кўринишдаги туризм соҳаларини ривожлантириш бўйича улкан истиқбол мавжудлигини таъкидлаганди.

Шунингдек, у ўзбекистонликлар орасида нафақат Москва ва Санкт-Петербург, балки Олтин ҳалқа шаҳарлари, Волга ва Шимолий Кавказ, Қора денгиз ва Байкал кўлига саёҳат қилишга қизиқиш ошиб бораётганлигини қайд этганди.

Эслатиб ўтамиз, Шавкат Мирзиёевнинг Москвага ташрифи вақтида «Аэрофлот» Самарқандга янги мунтазам рейсни йўлга қўйиши бўйича келишувга эришилди.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 31869 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 17729 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 68904 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 58290 Жамият
Тошкент ва Душанбе ўртасидаги парвозлар жадвали ўзгарди
Комилов Ҳиндистон вице-президенти билан музокарада. Икки давлат ўртасида товар айирбошлаш ҳажми оширилади
Журналист ЎФФ матбуот хизматини ёлғончиликда айблади
12:20 3621 Спорт
Тошкентдаги Mobicon 2017’да Google, Яндекс, Одноклассники ва UFOX вакиллари чиқиш қилади
Электр энергиясининг намунали истеъмолчилари рағбатлантирилади
Трамп АҚШ ҳукуматини ёпиш билан таҳдид қилди
10:50 9521 Жаҳон
Кўпроқ янгиликлар