Ўзбекистон чемпионатининг 5-туридан ўрин олган учрашувлар ниҳоясига етди. 5-турдан кейин кутилмаган натижалар билан бирга турнир жадвалида ҳам кутилмаган жамоалар етакчиликни қўлга олди.

Қўқонда маҳаллий клуб мавсумни кўтаринки руҳда бошлаган «Динамо»га қарши майдонга тушди ва рақибни мағлубиятга учратди. Ушбу ғалабадан кейин «Қўқон» ҳисобидаги очколар сони 10тага етди ва жамоа чемпионатда 1-ўринга кўтарилиб олди. «Динамо» эса 9 очко тўплаган ҳолда бир йўла бешта жамоа билар 3-7 поғоналарни бўлишиб турадиган бўлди.

Наманганнинг «Навбаҳор» клуби эса ўтган турда «Пахтакор»ни ютиб сенсация кўрсатган «Машъал»ни кичик ҳисобда таслим этди. ва натижада жамоа 10 очко тўплаб пешқадам «Қўқон-1912» билан тенглашиб олди. «Машъал» эса 9 очко билан 3-7 ўринларда қолиб кетди. Мавсумни муваффақиятсиз бошлаган «Пахтакор» янги бош мураббий билан 5-турни бошлади ва «Металлург» устидан ғалаба қозонди. Равшан Ҳайдаров шогирдлари ҳисобидаги очколар сони 7тага етди ва жамоа 8-ўрнига кўтарилиб олди.

«Насаф»ни қабул қилган «Олмалик» футболчилари илк ғалабасини қўлга киритди ва очколари сони 4тага етказиб олди. Шунингдек бу турда «Бухоро» «Нефтчи»ни қабул қилиб йирик ҳисобда ғалаба қозонди. Натижада Ўзбекистоннинг беш карра чемпиони 5та ўйинда бирорта ҳам ғалаба эриша олмасдан ҳақли равишда сўнгги ўринга тушиб кетди.

Олий лига, 5-тур

«Қўқон-1912» – «Динамо» 2:1 (1:0)
Голлар: Носир Отақўзиев (14), Филип Райевац (48) — Сардор Сулаймонов (80). 

«Пахтакор» – «Металлург» 1:0 (1:0)
Гол: Жасур Ҳакимов (12).

«Навбаҳор» – «Машъал» 1:0 (0:0) 
Гол: Ҳасан Эргашев (69).
Четлатиш: Зафар Тўраев (73, Машъал).

«Сўғдиёна» – «Обод» 1:0 (0:0) 
Гол: Санжар Рашидов (89).

«Олмалиқ» – «Насаф» 1:0 (0:0)
Гол: Камолиддин Мурзоев (49).

«Бухоро» – «Нефтчи» 3:0 (2:0).
Голлар: Ҳамза Каримов (4, автогол), Иван Нагаев (44), Ивор Вейцер (90).