Америкалик наггетснинг йиллик заҳирасига эга бўлиш учун Twitter'да рекорд ўрнатишга киришди

Жамият 07 Апрель 2017 2191

Американинг Невада штатида яшовчи Картер Уилкерсон Wendy’s ресторанлар тармоғи билан Twitter'да талаб қилинган реакциялар сонига эришиши борасида баҳслашди. Йил давомида компания наггетсларидан бепул бахраманд бўлиш имконини қўлга киритиш учун у 18 миллиондан ортиқ ретвитга эга бўлиши керак: сервис тарихида ҳеч ким бундай кўрсаткичга яқинлашмаган ҳам.

Уилкерсоннинг микроблогидаги дастлабки ёзув Wendy’s расмий аккаунтига йўналтирилган эди. 

"Вендис, наггетсларингизни бир йил бепул истеъмол қилиш учун қанча ретвит бўлиши керак?"

Компания қисқа ва лўнда жавоб берди. 

18 миллион

Бу Уилкерсонни тўхтата олмади ва у чақириқни қабул қилди. 

"Ҳал бўлди, деб ҳисоблайверинг".

Америкалик шундан кейин унга керакли ретвитни йиғишга кўмак бериш сўралган ёзувлар скриншотини ҳавола қилди ва бу вирус каби кенг тарқалди. Мақола нашрга чиққунга қадар 800 мингдан зиёд фойдаланувчи уни саҳифасига жойлаганди. 

"Менга ёрдам беринг, илтимос. Бу наггетслар менга керак!"

Компания бу ёзувга эмзодилар билан изоҳ қолдирди. 

Уилкерсон 18 миллион ретвитга эга бўлиши учун қанча вақт керак ва компания бир йиллик заҳира борасида ҳазил қилдими ёки йўқ - ҳозирча номаълум.

Бугунги кунга қадар Twitter фойдаланувчиларининг ҳеч бири бундай рекорд кўрсаткичга ҳатто яқинлашмаган ҳам. Ҳозирча энг машҳур твит Эллен Деженереснинг "Оскар" мукофотини топшириш маросимидаги ёзуви ҳисобланади - у 3,2 миллиондан зиёд марта ретвитланган.

Иккинчи ўринда - мусиқачи Луи Томлинсоннинг 2,4 миллион ретвити, учинчи ўринда - Испаниянинг Elrubius  геймерининг биргина сўздан иборат ("Limonada") ёзуви 1,4 миллион фойдаланувчи томонидан қўллаб-қувватланган. Ҳиллари Клинтоннинг президентлик сайловлардаги мағлубиятидан кейинги пости 1,2 миллион марта ретвитланган.

Расмий маълумотларга кўра, бугунги кунда Twitter аудиторияси 320 миллион атрофида. Уилкерсон баҳс шартларини бажариши учун тахминан ҳар йигирманчи фойдаланувчининг қўллаб-қувватланишига муҳтож. 

Wendy’s ресторанларида 10 наггетсли катта порция нархи - 6,65 доллар, бироқ у таркибида ичимлик ва салат ҳам бўлган комбо-тушлик кўринишида берилади. 6 наггетсли тўплам эса - атиги 1,99 доллар. 

Ресторанлар тармоғи дунёнинг 22 мамлакатида 6 мингдан зиёд иншоотига эга. 

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 36394 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 76337 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 11736 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 142692 Жамият
«Уэмбли»нинг дебюти ва стартда турган кучли учлик. Ҳафтанинг ўтказиб юбориб бўлмайдиган учрашувлари ҳақида
11:08 5 Спорт
Бундестагда Берлиннинг Москвага нисбатан сиёсати хато деб аталди
11:04 44 Жаҳон
Мирзо Улуғбек туманида маъмурий назорат қоидаларини бузган шахс қўлга олинди
10:46 422 Жамият
Австралия бош вазири Барселонадаги теракт туфайли махсус стратегия ишлаб чиқилишини маълум қилди
10:40 202 Жаҳон
Бразилияда мушт қилиб турган қўл кўринишидаги булут одамларни хавотирга солди
10:36 2851 Жаҳон
Абитуриент ҳикояси: “Мен ўқув маркази томонидан алдандим”
10:34 2139 Lifestyle
Кўпроқ янгиликлар