Тошкент шаҳрининг Чилонзор тумани кўп миллатли халқ ҳисобланади. Унда иноқликда яшаётган ёшу қарининг кўнглини олиш, уларга эътибор кўрсатиб, яхшиликка чақиришда имом-хатибларнинг ҳам масъулияти бор. 

Шу йилнинг 4 апрель куни Чилонзор тумани бош имоми, “Бўрижар” жоме масжиди имом-хатиби Ҳусниддин Абдукаримов масжид жамоаси билан тумандаги турли миллатга мансуб боқувчисини йўқотган кексалар холидан хабар олиб, улар билан мулоқотда бўлди. 

Кўрсатилаган бу самимий ғамхўрликдан кўзларига севинч ёшини олган отахону-онахонларимиз, аввало кўнгиллари шод бўлгани ва шунинг ўзи ҳар нарсадан устун бўлишини айтиб, жаннатмакон юртимиз, бағрикенг халқимиз ҳаққига дуолар қилдилар.

Ўзбекистон мусулмонлари идораси Тошкент шаҳар вакиллиги