Американинг Суриядаги авиабазасига берган ракета зарбалари инсонлар ўлимига олиб келди, деб хабар қилмоқда Франс Пресс агентлиги Хомс вилояти ҳокими Талал ал Баррозийга асосланган ҳолда. 

Баррозийнинг қайд этишича, ҳозирча, ҳукумат ихтиёрида ҳалок бўлганлар ва жабрланганларга доир аниқ маълумот йўқ. 

Унинг айтишича, ҳаво зарбаларидан сўнг, авиабазадаги қисмлардан бирида ёнғин чиққан, бунинг оқибатида бир неча киши жабрланган. 

АҚШ 7 апрелга ўтар кечаси Сурия ҳукуматининг Хомс вилоятидаги авиабазасига ракета зарбалари берди. Пентагон маъмуриятига кўра, жами 59та ракета учирилган.