«Реал» яримҳимоячиси Исконинг инстаграмдаги саҳифасида «Барселона» бренди асосида ишлаб чиқарилаётган чипс истеъмол қилаётгани кўриниб қолган расм жойлаштирди. Обуначиларнинг бунга кескин муносабатидан сўнг у суратни алмаштиришга мажбур бўлди.

«Мен «Барселона»га ўтишни умуман режалаштираётганим йўқ! Сурат биз уларни худди чипслар каби чайнаб ташлашимизни англатади! Айтганча мен уларни таъмини ҳам татиб кўрганим йўқ. Шунчаки дўстларим мен учун кичик муаммони ўйлаб топишни исташган», – деб ёзган Иско ўз твиттерида.

Эслатиб ўтамиз, олдинроқ «Барселона» Искони жамоа таклиф этишни режалаштираётгани ҳақида хабарлар тарқалганди.