НАТО бош котиби Йенс Столтенберг АҚШ томонидан Суриядаги авиабазага ракета зарбалари йўллангани учун масъулиятни мамлакат раҳбарияти зиммасига юклади. 

«Ўнлаб кишилар ҳамда болаларнинг ўлимига сабаб бўлган Хан-Шейхундаги даҳшатли кимёвий ҳужум ортидан АҚШ Суриядаги Шайрат аэродромига ҳужум қилди. Суриядаги режим бу ҳодиса учун тўла жавобгар», — дейилган альянс сайтида эълон қилинган баёнот матнида.

Қайд этилишича, НАТО Суриядаги сиёсий барқарорлик ўрнатилишига қаратилган барча ҳаракатларни қўллаб-қувватлайди.

Бундан олдинроқ АҚШ Столтенбергни бўлажак ҳужум ҳақида олдиндан хабардор қилгани маълум бўлганди.