Тиллерсон: Сурияга ҳужум Трамп «ҳал қилувчи чоралар қўллашга тайёрлиги»ни кўрсатди

Жаҳон 07 Апрель 2017 5515

АҚШ Женевадаги учрашувларда Суриянинг келажаги бўйича сиёсий жараённи бошлайди. Бу ҳақда АҚШ Давлат департаменти бошлиғи Рекс Тиллерсон маълум қилган.

Reuters агентлиги хабарига кўра, Тиллерсон АҚШнинг Суриядаги аэродромга берган зарбаси мамлакат президенти Дональд Трамп «ҳал қилувчи чоралар қўллашга тайёрлиги»ни кўрсатгани ҳақида айтиб ўтган.

7 апрелга ўтар кечаси АҚШ Суриядаги аэродромга 60га яқин қанотли ракета йўллади.

Трампнинг ўзи эса ушбу ҳужум Американинг «миллий хавфсизлиги муҳимлиги»ни акс эттиришини маълум қилган.

АҚШ президентининг бу зарбаларни бериш бўйича қарори 4 апрель куни Суриянинг Идлиб вилоятида кимёвий ҳужум амалга оширилишидан кейин қабул қилинди. Вашингтон ушбу ҳужумда Башар Асад ҳукуматини айблади.

Кўпроқ янгиликлар