Maxfiy ma'lumotlarni e'lon qilish bilan shuhrat qozongan WikiLeaks sayti Vault 7 nomli navbatdagi maxfiy ma'lumotlar to‘plamini e'lon qildi. Ular AQSh Markaziy Razvedka boshqarmasi (MRB)ga tegishli ekani aytilmoqda.
MRBning avvalgi hujjatlari to‘plami Marble ("Marmar") deb nomlangan bo‘lib, 31 martda saytga joylashtirilgandi.
Sayt xodimlariga ko‘ra, ushbu hujjatlarning yangi qismi Grasshopper ("Chigirtka") deb nomlangan bo‘lib, MRBning shu nomdagi dasturiga doir 27ta hujjatni mujassamlashtirgan. MRBning Grasshopper dasturi Microsoft kompaniyasining Windows dasturiy ta'minoti uchun zararli dasturlarni ishlab chiqishni ko‘zda tutadi. Qayd etilishicha, ushbu kompyuter dasturlari yirik antivirus dasturlar, xususan, "Laboratorii Kasperskogo" tomonidan ham aniqlanmaydi.
