Adidas бир қанча вақт 3D-босма технологияси билан тажриба ўтказди. Эндиликда у Futurecraft 4D кроссовкаларини ишлаб чиқаришга тайёр турибди, унинг тагчарми 3D-босма технологияси ёрдамида яратилган.

Adidas ишлатаётган технология Continuous Liquid Interface Production (CLIP) деб номланиб, у Carbon компанияси мутахассислари томонидан ишлаб чиқилган. Улар эса «Терминатор» фильмидан илҳом олишгани айтилди.

Технологиянинг ўзига хос жиҳати шундан иборатки, суюқ полимер ультрабинафша нури ёрдамида қайд қилинади. Бу усул анъанавий 3D-босмадан тезроқ, якуний маҳсулот эса анча мустаҳкамроқ бўлади, деб ёзамоқда The Verge.

Adidas вакилларининг YouTube’да тақдим этилган видеода айтишларича, оёқ кийимини яратишда 3D-босмадан фойдаланишнинг яхши томони – бу индивидуал ёндашувдир.

Ҳозирча Futurecraft 4D жуда қиммат нархда сотилиши мўлжалланмоқда. Унинг аниқ қиймати номаълум. Янги 5 000 та бундай кроссовкалар жорий йилдаёқ сотувга чиқарилади. 2018 йилга келиб 100 мингта шундай оёқ кийими ишлаб чиқарилиши режалаштирилган.