Сурия ҳарбий-ҳаво кучлари АҚШ томонидан ракета зарбасидан кейин бир кун ўтиб Шайрат аэродромидан парвозларни амалга оширишни қайта йўлга қўйди. Бу ҳақда РИА “Новости” ахборот агентлиги хабар бермоқда.    

"Авиабаза ишчи тартибда ишламоқда. Самолётлар қўйилган вазифаларни бажармоқда ва террорчиларга зарба бериш учун жанговар парвозларни амалга оширмоқда", деб айтди Сурия армиясининг авиабазадаги зобити.

Аввалроқ РИА “Новости” ахборот агентлиги мухбири аэродромдан ҳавога кўтарилган барча самолётлар бешикаст базага қайтганини маълум қилганди. 

7 апрелга ўтар кечаси АҚШ ҳарбий-денгиз кучлари Ўрта ер денгизидаги кемалардан Шайрат авиабазасига 59 та қанотли ракета билан зарба берганди.