Бола оромгоҳда тиббий кўрикдан ўтолмаса - ота-онасига йўлланма қийматининг 85 фоизи қайтарилади

Жамият 08 Апрель 2017 3128

Халқ таълими вазирлиги, Соғлиқни сақлаш вазирлигининг қарори билан янги Болалар соғломлаштириш оромгоҳлари тўғрисидаги низом тасдиқланди, деб хабар беради Norma.uz.

Янги Низомда болаларни оромгоҳга қабул қилиш учун талаб этиладиган ҳужжатлар рўйхати келтирилган.
 
Демак, стационар оромгоҳга қуйидаги ҳужжатлар топширилади:

•  Оромгоҳ эгаси (Балансда сақловчи) томонидан бериладиган йўлланма;

•  боланинг туғилганлик тўғрисидаги гувоҳномаси ёки паспорти нусхаси;

•  боланинг соғлиғи ҳақида тиббий маълумотнома (079/х-шакл). 

Қўшимча равишда стационар оромгоҳга қабул қилишда болалар ушбу оромгоҳ тиббиёт ходимлари кўригидан ўтказилади. Агар болада бирор касаллик аломати аниқланса, у оромгоҳга қабул қилинмайди ва унинг даволаниши учун 3 кун берилади. Бола кўрсатилган муддатда даволаниб келган тақдирда у оромгоҳга қабул қилинади ва жорий сменанинг якунига қадар дам олдирилади. Даволаниш муддати 3 кундан ортиқ давом этса, ота-онанинг 10 кун ичида берилган аризасига асосан Балансда сақловчи оромгоҳга йўлланмани қайтариб олади ва йўлланма учун тўланган маблағнинг 85 фоизини тўловчига қайтаради.
 
Кундузги оромгоҳга эса қуйидаги ҳужжатлар тақдим этилади:

•  ота-оналарнинг оромгоҳ раҳбари номига аризаси;

•  ота-оналардан бирининг паспорти нусхаси;

•  боланинг туғилганлик тўғрисидаги гувоҳномаси ёки паспорти нусхаси;

•  боланинг соғлиғи ҳақида тиббий маълумотнома (079/х-шакл);

•  тўлов тўланганлигини тасдиқловчи ҳужжат нусхаси.

Белгиланишича, оромгоҳларда болаларни қабул қилиш ва кузатиш комиссияси тузилади.

Эндиликда оромгоҳда болаларни соғломлаштириш муддатлари Балансда сақловчи (илгари – ҳудудий соғлиқни сақлаш органларининг тавсияларини ҳисобга олган ҳолда Ўзбекистон Касаба уюшмалари Федерацияси Кенгаши Раёсати) томонидан белгиланади. Бундан ташқари эндиликда Балансда сақловчи оромгоҳ раҳбарини тайинлашни касаба уюшмаси қўмитаси билан келишиши шарт эмас.

Белгиланишича, оромгоҳнинг ҳар бир тўгарагида камида 10 нафар болалардан иборат гуруҳлар ташкил этилади. Тўгарак машғулотлари учун ҳафтада 4 академик соат (сайёҳлик-ўлкашунослик тўгараклари учун ҳафтада 6 академик соат) ажратилади. Тўгаракларнинг фаолияти бепул амалга оширилади.

Ҳужжат 2017 йил 3 апрелда кучга кирди.

 

Кун янгиликлари
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 47776 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 7798 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 18913 Ўзбекистон
Тошкентда Осиё-Океания кураш конфедерациясининг 1-конгресси бўлиб ўтади
19:43 0 Спорт
Шавкат Мирзиёев: Ўқувчилар бир хил форма кийиши керак
Фавқулодда вазиятлар ҳақида хабар бериш тизими модернизация қилинади
Лицей ўқитувчилари тест ва суҳбатдан сўнг ишга қабул қилинади
180 млн сўмлик адёлларни божхона назоратидан яширишга уринган шахслар фош этилди
19:31 192 Жамият
Alibaba’нинг соф даромади икки маротабага ошди
Испаниядаги терактларда 34 мамлакат фуқароси ҳалок бўлди ва жабрланди
19:15 1013 Жаҳон
Кўпроқ янгиликлар