Иккинчи жаҳон урушининг 14 нафар иштирокчисига уйлар берилади, 173 нафарининг тураржойи таъмирланади

Ўзбекистон 08 Апрель 2017 17623

Ўзбекистон Республикаси Вазирлар Маҳкамасида Бош вазир Абдулла Арипов раҳбарлигида вилоятлар, туман ҳокимликлари ва бошқа тегишли идоралар раҳбарлари иштирокида умумий видеоселектор мажлис ўтказилгани ҳақида аввал хабар қилинган эди. Мажлисда Президентнинг 2017 йил 4 апрелдаги “Хотира ва қадрлаш кунига тайёргарлик кўриш ва уни ўтказиш чора-тадбирлари тўғрисида”ги ПҚ-2865 сон қарорида белгиланган вазифалар ижросини сўзсиз таъминлаш масалалари муҳокама этилди.

Кун.uz манбасининг маълум қилишича, Бош вазир шу муносабат билан ўтказиладиган маънавий-маърифий тадбирларни юқори савияда ташкил этиш кераклигига алоҳида урғу берар экан, бу ишларнинг барчаси Президент ташаббуси билан режалаштирилаётганини алоҳида таъкидлаган. Хусусан, таълим муассасаларида ҳарбий-ватанпарварлик руҳидаги кечалар бўлиб ўтади. Фильмлар намойиш этилади. Жойларда Иккинчи жаҳон уруши қатнашчиларининг қаҳрамонликлари, уларнинг Ватан олдидаги бурчларини сидқидилдан адо этганликларини тарғиб қилиш мақсадида тадбирлар ташкил этилади.

Видеоселектор мажлисида Ўзбекистон миллий телерадиокомпаниясига “Сен етим эмассан”, “1941 йил олмалари”га ўхшаган Иккинчи жаҳон уруши йилларида Ўзбекистон аҳолиси кўрсатган фидойиликларни акс эттирувчи фильмлар рўйхатини тақдим этиш вазифаси юкланган. Улардан телевидение орқали намойиш этиладиган картиналар танланади. 

Бундан ташқари, Мустақиллик йилларида хизмат вазифаларини бажариш вақтида ҳалок бўлган ҳарбийлар, ички ишлар ва хавфсизлик хизмати ходимлари уйларига ҳам борилиб, уларнинг яқинларининг ҳолидан хабар олинади, марҳумлар қабрлари ободонлаштирилади.  

Кун.uz манбасига кўра, республикадаги 10 мингга яқин қабристонлар Хотира ва қадрлаш куни муносабати билан ободонлаштирилади. Иккинчи жаҳон уруши қатнашчиларидан 14 нафарига хонадонлар, 173 нафарининг уйи таъмирлаб берилади. 2000дан зиёд кишига ногиронлар аравачаси бепул тақдим этилади. Маҳалла комиссиялари томонидан ёрдамга муҳтож ногиронларга зарурат бўлса ортопедик воситалар (протезлар) тақдим этилади.

 

Кун янгиликлари
Банкдаги конвертация машмашаси: «Рўйхатда йўқлар»га хизмат йўқми?
16:50 / 22.08.2017 53520 Ўзбекистон
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 69090 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 36429 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 20935 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 79412 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 61353 Жамият
Терракота армияси яратилиши сири очилди
22:33 89 Жаҳон
НАСА АҚШни Йеллоустон супервулқонидан ҳимоя қилиш йўлини ўйлаб топди
22:22 422 Жаҳон
Бекободда сайёр қабул: ўн мингга яқин мурожаат жойида кўриб чиқилди
22:01 403 Жамият
Қувасой шаҳрида “Набирамга бир китоб” хайрия акцияси бўлиб ўтди
21:58 206 Жамият
Кўпроқ янгиликлар