Рамзан Қодиров АҚШнинг Сурияга берган зарбасини қоралади

Жаҳон 08 Апрель 2017 28649
Фото: RIA

Чеченистон раҳбари Рамзан Қодиров АҚШнинг Суриядаги Шайрат авиабазасига берган ракета зарбасини кескин қоралади ва АҚШ ўз ҳаракатлари билан террорчиларга йўл очиб бераётганини айтди.

"Ҳарбий кемалардан учирилган ракеталар кўплаб фуқароларнинг қонини тўкди ва ИШИДга сахий совға туҳфа қилди – Башар Асаднинг шундоқ ҳам заифлашган армияси 10 тагача самолёт йўқотди. Террорчиларга йўл очилди. АҚШ ҳеч қачон халқларга тинчлик ва эркинлик олиб келмаган. Уларнинг айби билан миллионлаб вьетнамликлар, афғонлар, ироқликлар ва ливияликлар ҳалок бўлган. Айнан улар Хиросима ва Нагасакини бомбардимон қилган. Бироқ бутун дунё АҚШга қарши овоз кўтара олмайди. Барча мум тишлаб, фақат "афсусланиш" ҳақидаги сўзлар билан чекланадилар", деб ёзди Қодиров Instagram’да.

Қодиров АҚШнинг Сурияга зарбасини халқаро ҳуқуққа таҳдид ва унга амал қилмаслик деб атади. Унинг таъкидлашича, зарба беришга сабаб бўлган Сурия ҳукуматининг кимёвий ҳужумга алоқадорлиги исботланмаган.

"Бу қурол Асад буйруғи билан қўлланганига исбот қани? Кимёвий ҳужумни ўзи учун энг оғир дамларда қўлламаган Асад учун бу ҳужумнинг нима кераги бор? Асад кимёвий ҳужумдан нима ютади? У бундай қилса, бутун дунё бу ишини қоралашини, кескин чоралар бўлиши мумкинлигини билади", деб қўшимча қилди Чеченистон раҳбари.

Унинг фикрича, АҚШнинг Сурияга нисбатан ҳаракатлари ва тинч аҳолининг ҳалок бўлиши Европарламентни ҳам, ПАСЕни (Европа кенгаши парламент ассамблеяси) ҳам ташвишлантирмайди. Бироқ бу ташкилотлар Россиянинг "ҳар бир аксиришига ҳам" муносабат билдиради. Чеченистон раҳбари Россиянинг Суриядаги ихтилофни ҳал қилишдаги ролини ҳам таъкидлаб ўтди. Унинг айтишича, Россия коалициянинг барча давлатлари қила олмаган ишни якка ўзи қила олди: Россия эвазига ИШИД заифлашди, музокаралар жараёни олиб борилмоқда, шаҳарлар озод қилинмоқда, аҳолига кўмак кўрсатилмоқда.  

Кун янгиликлари
Қўшимча-контракт асосида ўқишни истайдиганлар нима қилиши керак?
11:30 / 18.08.2017 49224 Ўзбекистон
Судьянинг нохолислиги ёки давлат телеканалининг “шохи” борми?
19:21 / 17.08.2017 102930 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 52879 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 9831 Lifestyle
Цукерберглар оиласида иккинчи фарзанд дунёга келди
08:39 217 Жаҳон
АҚШ ИШИДни мағлуб қилгандан кейин Сурияни тарк этишга ваъда берди 
08:05 1423 Жаҳон
Барселонадаги терактга алоқадор бўлган барча террорчилар йўқ қилинди
07:52 1181 Жаҳон
Олий лига. «Локомотив» ғалаба қозонди, «Насаф» «Бунёдкор»га ютқазди
07:43 1126 Спорт
Трампни руҳшунос текширувига юбориш таклиф этилди
07:32 2469 Жаҳон
Яшнободда автомашина эшигини сих орқали очиб, 1500 долларни ўмарган шахс ушланди
02:51 2401 Жамият
Кўпроқ янгиликлар