Жорий йилда япониялик сайёҳларни Ўзбекистонга етказиш бўйича 10 чартер рейс амалга оширилади. Рейслар  2017 йилнинг апрелидан октябригача давом этади. Кунчиқар мамлакатдан 2500 сайёҳ келиши режалаштирилган. Апрель ойидаёқ 750 нафар япониялик сайёҳ 3 та рейс билан Самарақандга етказиладилар.  

7 апрелда Самарқандда Япониядан келган илк чартер рейси тантанали равишда кутиб олинди. Японияликлар бир ҳафталик саёҳатлари давомида Самарқанд, Бухоро ва Хивага ташриф буюрадилар. Саёҳат давомида турли кўнгилочар тадбирлар ўтказиш ҳамда тарихий ва архитектура ёдгорликларига экскурсиялар амалга ошириш кўзда тутилган.

Япониялик сайёҳларнинг Ўзбекистондаги ташрифлари доирасида ўтказиладиган тадбирларни Ўзбекистон телеканаллари ва Япониянинг NHK телекомпанияси ёритиб боради.