Венесуэлада ҳокимият учун кураш ҳал қилувчи босқичга қараб келмоқда, деб ёзади Regnum нашри. 

Мамлакат президенти Николас Мадуро парламент депутатлари депутатлик дахлсизлиги ҳуқуқини йўқотгани ҳақида маълум қилди. 29 март куни эса бу қарор Олий суд Конституциявий палатаси томонидан тасдиқланди.

Депутатлар қарордан норози эканликларини билдиришди ҳамда митинг йиғишди. Бироқ норозилик намойишлари вақти охирлаб бормоқда, кун тартибида эса бошқа масала – бу можаро давомида армия кимнинг ёнини олади.

Америка давлатлари ташкилоти иштирокчи мамлакатлари депутатларига мурожаат можарони янги босқичга кўтармоқда. Перу, АҚШ, Бразилия ва Аргентинанинг муносабати исёнчи депутатларни қўллаб-қувватлашини намойиш этиб берди. Бироқ бу хорда энг асосий овоз асли келиб чиқиши кубалик бўлган ва “Мадуро диктатураси” ўрнатилишидан хавфсираётган америкалик конгрессменларга тегишли. Венесуэла парламентининг Америка давлатлари ташкилотига мурожаат қилишга уриниши президент Мадурога хорижий босим даражасини оширади. Бу ҳолатда эса давлат раҳбари ҳарбий ҳолатни киритиши ҳам мумкин. Албатта, бунда уни армия қўллаб-қувватлаши керак бўлади.