Эквадор президенти Рафаэль Корреа сайловлар кунида мамлакатнинг Миллий сайлов кенгаши (МСК) сайти АҚШ томонидан бузиб кирилганини маълум қилди. Бу ҳақида Telegrafo нашри хабар берди

"Гап миллий ва халқаро ҳуқуққа қарши сиёсий фитна ҳақида бормоқда, зеро улар мағлубиятга учрашларини ва Эквадор жуда муҳим аҳамиятга эга эканини яхши билишган, улар ноумидликдан мағлубиятни қабул қилишни исташмаган", - деди Корреа Лос Риос провинциясидаги чиқишида. 

Унинг сўзларига кўра, шу куннинг ўзида ECU-911 хавфсизлик хизматининг расмий сайтига ҳам киберҳужум уюштирилган. 

Эквадор сайлов ҳукуматлари 2 апрелда бўлиб ўтган мамлакат президенти сайловлари иккинчи босқичидаги овозларни қисман қайта ҳисоблашни бошлашган. Сайловлар натижалари бўйича мамлакатнинг беш провинцияси - Чимборасо, Имбабура, Пичинча, Котопакси ва Карчида норозилик намойишлари қайд этилган.

Эквадор миллий сайлов кенгаши сешанба куни ҳукмрон чап-марказ кучлари номзоди Ленин Моренонинг ғалабаси ҳақида расман эълон қилган, у президентлик пойгасининг иккинчи босқичида 51,14 фоиз овоз тўплаган. Унинг рақиби Гильермо Лассо эса 48,86 фоиз овозга эга бўлган. Сайловлардан кейин Лассо уларнинг натижасидан норози эканини айтган ва бюллетенларни қайта ҳисоблаб чиқишни талаб қилган.