Германия ТИВ Суриядаги вазият АҚШ ва Россия урушига олиб келиши эҳтимолига муносабат билдирди

Жаҳон 09 Апрель 2017 17375

Германия Ташқи ишлар вазири Зигмар Габриэлнинг фикр билдиришича, Суриядаги можарони Россия иштирокисиз бартараф этиб бўлмайди. Бу ҳақда унинг Bild учун берган интервьюсида айтилган.

"Мен россиялик ҳамкасбим Сергей Лавров билан қалин алоқаларни давом эттираман. Москва иштирокисиз Сурия муаммосини ҳал этиб бўлмайди. Менда Россия Асадни абадий ҳимоя қилади, деган тасаввур йўқ", деган у.

Унинг фикрича, мавжуд зиддиятни "АҚШ, Россия ва минтақадаги бошқа асосий ўйинчилар иштирокидаги сиёсий музокаралар орқали" ҳал қилиш ва инсонларнинг уқубат чекишига чек қўйиш мумкин.

Янги эскалацияга йўл қўймаслик
Вазирдан иш АҚШ ва Россия ўртасида очиқ уруш бошланиб кетиши эҳтимоли ҳақидаги фикри сўралган.

"Йўқ. АҚШ ўз ҳарбий режаларидан Россияни воқиф этиб бормаганида ҳам шу фикрни айтардим", деган у.

Шу билан бирга ҳозирда халқаро майдонда "совуқ уруш давридан буён энг таранг вазият юзага келгани"ни қайд этиб ўтган.

"Барча томонлар ҳозирда ҳушёр туриши керак. Бизга навбатдаги эскалация керак эмас", деган ГФР ТИВ раҳбари.

Вазир Германия ҳукумати Идлибда Башар Асад ҳукумати кимёвий қурол қўллаган деган фикрда эканини маълум қилиб ўтган.

У БМТ ва кимёвий қуроллар қўлланишига қарши ташкилотнинг мутахассислари вазият юзасидан текширувлар ўтказиши кераклигини таъкидлаган.

Шу билан бирга у Германия АҚШнинг Сурия армияси позицияларига қарши навбатдаги ҳужумларда иштирок этиши эҳтимолини рад этган.

"Бундестаг қабул қилган мандат фақат ИШИДга қарши курашни назарда тутади, биз Сурияга қарши урушмаймиз", деган у.

Башар Асад даври ортда қолди
"Мен жуда ҳам умид қиламанки, халқаро ҳамжамият кўрсатадиган босим Башар Асад тузумига халқаро тартибларни бузган ҳолда аҳолига заҳарли газ қўллашга ва беайб одамлар, аёллар ва болаларни ўлдиришга йўл қўймайди", дея давом этган германиялик вазир.

"Кимёвий қурол қўлланиши - бу халқаро нормаларнинг қўпол равишда бузилишидир. Асаднинг жаллодлари иши ҳарбий жиноятдир", деган у.

"Айни вақтда кўплаб кишилар Асад режимидан азият чекмоқда. Мен ишонаманки, эртами кечми Асад жиноятлари учун жавобгарликка тортилади. Унинг даври ортда қолмоқда", деган вазир.

Эслатиб ўтамиз, 7 апрелга ўтар кечаси АҚШ ҳарбий-денгиз кучларининг икки кемасидан Суриянинг Ҳомс вилоятидаги Шайрат аэродроми томон 59та «Томагавк» қанотли ракеталари учирилди. Шундан сўнг, Россия президенти Владимир Путин АҚШнинг Суриядаги авиабазага ҳужумини суверен давлатга қарши тажовуз деб ҳисоблашини билдирди. Кўп вақт ўтмасдан Россия Сурияда кўзда тутилмаган ҳолатларнинг олдини олиш ҳақидаги меморандум амалда бўлишини тўхтатгани ҳақида хабар пайдо бўлди.

Кун янгиликлари
Салоҳиддин Шарипов: “Ҳалол луқма – инсон саодатининг калитидир”
22:51 / 22.06.2017 25556 Жамият
Mirobod Elit - пойтахт марказида оилангиз учун муносиб совға
16:29 / 21.06.2017 24527 Жамият
Марк Цукерберг мусулмонлар даврасида ифторлик қилди
Ўзбекистон ҳукумати Қозоғистонда ҳалок бўлган фуқароларнинг яқинларига ҳамдардлик билдирди
Москвада 3 нафар Ўзбекистон фуқароси метандан заҳарланиб ҳалок бўлди
21:28 2128 Жамият
Дайжест: «Пахтакор»да янги давр, «Ёнғоқ вазири», Россияда Telegram’га таҳдид ва куннинг бошқа хабарлари
21:12 1811 Жаҳон
БАА маликалари бельгиялик хизматкорларни камситишда айбдор деб тан олинди
20:48 2717 Жаҳон
Ёш адвокат соҳилни 5 минг тонна чиқиндидан халос қилди (фотожамланма)
20:42 3147 Жамият
«Бабаянни ёмон деманг, у ҳам Худо бандаси»
20:34 5991 Спорт
«Пахтакор»да пул билан боғлиқ муаммо йўқ. Стадион қайтадан қурилади
19:54 7010 Спорт
Кўпроқ янгиликлар