АҚШ, Мексика ва Канада 10 апрель куни 2026 йилги жаҳон чемпионати мезбонлиги учун қўшма ариза топшириши кутилмоқда. Бу ҳақда вазиятдан хабардор манбага асосланган ҳолда AP агентлиги хабар тарқатди.

Бу қарор 8 апрель куни Шимолий ва ва Марказий Америка ҳамда Кариб ҳавзаси футбол конфедерацияси (КОНКАКАФ) конгресси вақтида қабул қилинган.

Манбанинг айтишича, бу ҳақда душанба куни Манҳеттенда эълон қилинади.

2026 йилги жаҳон чемпионати тарихда 48 терма жамоа иштирок этадиган илк турнир бўлади. Ушбу турнир мезбонлиги учун Англия, Колумбия, Қозоғистон, Туркия ва Озарбойжон ҳамда Австралия ва Янги Зеландия каби давлатлар ҳам даъвогар бўлиб турибди.

Турнир мезбони номи 2020 йилнинг майида маълум қилинади.