Afg‘onistonda IShID rahbarlaridan biri o‘ldirildi

Afg‘oniston xavfsizlik kuchlari dushanba kuni mamlakat shimolida IShID terrorchilik guruhining yuqori lavozimli yetakchilaridan birini yo‘q qildi. Bu haqda Sori-Pul viloyati gubernatori ma'lum qilgan.

"IShID yetakchilaridan biri “sher” nomi bilan tanilgan Qari Sher Muhammad o‘ldirildi. Shuningdek, unga hamrohlik qilgan uch nafar shaxs ham yo‘q qilindi", - deya yozdi Muhammad Zohir Vaxdot Facebook’dagi sahifasida.

Amaldorning xabar berishicha, terrorchilar Sayod tumanidagi to‘qnashuvlar vaqtida o‘ldirilgan.