АҚШ рейси йўловчисига нисбатан куч ишлатилди

Жамият 10 Апрель 2017 5161

United Airlines авиакомпанияси (АҚШ)нинг Чикаго-Луисвилл рейсида ўтириш жойларининг етишмаслиги сабаб йўловчини мажбурлаб жойидан қўзғатишди. Уни салондан чиқариб юбориш давомида тасодифан жароҳат етказилди, йўловчи ҳушини йўқотганидан кейин салондан олиб чиқиб кетилди. TJ'да шу ҳақида хабар берилди

Салондаги баъзи йўловчилар воқеани видеога олишди. Уларнинг аксарияти полициячиларнинг усулларига салбий муносабат билдирган.

Гувоҳларнинг сўзларига кўра, йўловчи ўзини шифокор деб таништирган ва шу рейсда уйга қатиши зарурлигини таъкидлаган. Шифокор полиция ва борт кузатувчиларига тонгда госпиталдаги беморларни кўздан кечириши кераклигини тушунтиришга уринган. 

United Airlines вакиллари 3411-сонли Чикаго-Луисвилл рейсидаги овербукинг фактини тасдиқлашди. Ташувчи дастлаб борт кузатувчилари йўловчиларни ўз хоҳишига кўра рейсни тарк этишни сўрашганини таъкидлади. 

"Мижозлардан бири рад жавобини берганидан сўнг ҳуқуқ-тартибот органлари ундан чиқиш йўлига ўтишни сўраган. Биз овербукинг билан боғлиқ вазият учун узр сўраймиз". 

United Airlines

Манбада таъкидланишича, авиакомпания бир йўловчини самолёт тўлганидан огоҳлантирган ва кейинги рейсга чипта, 400 доллар ва меҳмонхонада бир кунни ўтказиш учун ваучер таклиф қилган. У рози бўлган.

Бироқ бортда заҳирадаги ходимлар учун яна тўрт жой кераклиги маълум бўлган. Кўнгилли-йўловчиларга 800 доллар таклиф қилишган, бироқ ҳеч ким бу таклифга рози бўлмаган.

Шундан сўнг авиакомпания ходимлари борт компьютеридан фойдаланиб, омадсиз йўловчиларни тасодиф усулида аниқлашган. Шифокор-йўловчи билан боғлиқ можаро чиқишидан олдин бир оилавий жуфтлик ўз хоҳиши билан рейсни тарк этган. Куч ишлатиб чиқариб юборилган киши эса яна бортга қайтган, шу боис рейсни кечиктиришга тўғри келган.

Овербукинг тажрибаси авиакомпания қўшимча даромад ва самолётларни тўлдириш мақсадида бортдаги креслолардан кўп чипта сотишни кўзда тутади. Ҳаво кемаси тўлган бўлса-да, йўловчиларни рўйхатдан ўтказиш давом этаверади. Натижада авиакомпанияларнинг баъзи йўловчилари рейсларни қўйиб юборишига тўғри келади. Кўпинча йўловчиларга кейинги рейсга чипта берилади ва зарур харажатлар қопланади. 

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 83275 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 42885 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 49303 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 8382 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 19364 Ўзбекистон
Италиянинг давлат қарзи рекорд қийматга етди
Олий лига. «Пахтакор» Самарқандда очко йўқотди
21:12 980 Спорт
Ўзбекистон ва Қирғизистон томони туризм соҳасида алоқаларни чуқурлаштиришга келишиб олишди
Канада авиакомпанияси самолётининг 200 дан кўпроқ йўловчиси багажсиз қолди
21:00 892 Жаҳон
Ўзбекистон ТИВ раҳбари португалиялик ҳамкасбига мактуб йўллади
Кўпроқ янгиликлар