Алишер Усмонов ўз стратегиясини ўзгартирмоқда

Жаҳон 10 Апрель 2017 46657

Facebook акцияларида 1,4 миллиард ишлаб олган ва ҳануз Uber Technologies улушига эга россиялик магнат хом ашё соҳаси инвестицияларига қайтмоқда. Bloomberg шу ҳақида хабар берди

63 ёшли Алишер Усмонов агентликка берган интервьюсида қазилма компанияларига сармоя киритгани, зеро уч йиллик паст нарх-наводан сўнг уларнинг қоғозлари яна ўса бошлаганини маълум қилди.

2016 йилда Хитойнинг келгуси иқтисодиёти ҳамда металл баҳоси ошиши борасидаги хавотирлар пасайиши фонида Bloomberg World Mining акциялари 38 фоизга ошди.

Fortescue Metals Group ва Anglo American каби компаниялар акциялари қимматлашди.

Усмонов шундай деди: «Ўтган йил BHP Billiton, Fortescue каби хом ашё компаниялари ва нефть-газ секторининг анъанавий компанияларига сармоя киритиш юқори даромад кўрсатиши мумкинлигини кўрсатди». 

Мил­ли­ар­дер айнан қайси компаниялар акцияларини қўлга киритганига ойдинлик киритмади.

Bloomberg Billionaires Index'га кўра, Усмоновнинг «Ме­тал­ло­ин­вест» металлургия ҳолдингига асосланган молиявий ҳолати ҳозирда 14 миллиард долларни ташкил қилади. 

Унинг ўсиши қисман яқин йилларда жаҳон технология компанияларига муваффақиятли инвестициялари билан изоҳланади, Facebook ва Alibaba ҳам шулар жумласидандир.

Бундан ташқари, миллиардер DST ва яна бир ҳамкорлар билан ташкил қилинган фонд орқали энг йирик Flipkart ҳинд интернет-ритейлери, Хитойнинг Xiaomi смартфон ишлаб чиқарувчиси, Ҳиндистондаги Ola Cabs ҳамда Хитойдаги Didi Chuxing такси буюртма сервислари улушларини харид қилди. 

Усмонов агентликка берган баёнотида технология соҳаси ва интернетга киритаётган сармоясини оширмоқчи эмаслигини маълум қилди. 5-7 йил аввал харид қилинган қоғозлар лойиҳаларнинг у ёки бу босқичи тугагунга қадар унинг портфелида қолади. Бироқ шу билан бирга миллиардер янги сармоялар учун ҳам маблағ йиғиш ва ўзининг баъзи компанияларида қарз юкини камайтиришга ҳаракат қилади.

Алишер Усмонов Ғарб хом ашё компанияларига биринчи марта маблағ ажратиши эмас. 2003 йилда у Британиянинг Corus Group пўлат компанияси улушини харид қилган ва бир йилдан кейин уни даромад билан сотган. Шунингдек у Nautilus Mineral компаниясига ҳам сармоя киритган. 

 

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 13307 Lifestyle
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 20670 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 10328 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 11153 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 38231 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 52215 Жамият
Атамбоев Қирғизистон бош вазири вазифасини бажарувчини тайинлади
14:28 3 Жаҳон
Трамп Афғонистондан америкалик ҳарбийларни зудтар олиб чиқиш имконсизлигини айтди
14:10 722 Жаҳон
Қозоғистон Қирғизистонга ёрдам кўрсатишни бошлади - 41 миллион доллар
14:00 546 Жаҳон
Президент ҳузурида ишбилармонлик муҳитини яхшилаш бўйича Давлат комиссияси ташкил этилиши мумкин
Кўпроқ янгиликлар