Американинг Chevrolet автомобиль бренди янги концепти — FNR-X суратини намойиш қилди. Бу ҳақда CarAdvice хабар қилмоқда. Машинанинг расмий тақдимоти Шанхай халқаро автокўргазмасида бўлиб ўтади. 

Келгусида компания ушбу машинани серияли шлаб чиқаришни режалаштирмоқда. Бироқ, ҳозирча, янги модель ҳақидаги тафсилотлар сир тутилмоқда. Концептга гибрид мотор қўйилади, унинг барча ғилдираклари етакчи бўлиши баробарида ярим муқобил бошқарув тизимига эга бўлади. 

Chevrolet 2017 йил март ойида Женевада бўлиб ўтган автокўргазмада Camaro Track Concept концептини намойиш қилган эди. Компания вакилларининг сўзларига кўра, бу машина тезкор спорт купесини хоҳловчи талабгор ҳайдовчилар учун махсус ишлаб чиқилган.