Энг яхши 500 олий таълим муассасаси дипломи имтиҳонсиз нострификациядан ўтадиган бўлди

Ўзбекистон 10 Апрель 2017 49826

Вазирлар Маҳкамасининг 2017 йил 3 апрелдаги 173-сонли "Хорижий мамлакатларда берилган таълим ҳақидаги ҳужжатларни тан олиш ва нострификация қилиш тартибига оид Низомга тузатиш ва қўшимчалар киритиш тўғрисида"ги қарори чоп этилди.

Таъкидлаш жоизки, таълим тўғрисидаги хорижий ҳужжатлар Ўзбекистонда тан олиш ёки нострификация қилиш йўли орқали юридик кучга эга бўлади.

Мактаб ҳужжатларини тан олиш учун қаерга бориш керак?

Ҳужжат тўлиқ ўрта (тўлиқ бўлмаган, ўрта) таълим (10-12 синфлар) тўғрисидаги ҳужжатларни тан олиш тартибига аниқлик киритди. Умумий ўрта таълим тўғрисидаги ҳужжатлардан фарқли ўлароқ, улар Халқ таълими вазирлиги тизимининг махсус комиссияси эмас, Олий таълим вазирлигига бўйсунувчи Қорақалпоғистон Республикаси, вилоятлар ва Тошкент шаҳрининг ўрта-махсус, профессионал таълим ҳудудий бошқармаларида тузилган комиссиялар томонидан тан олинади.

Шунингдек, мазкур ҳужжатлар Ўзбекистонда қандай даражага мувофиқ экани белгилаб берилди:

Тан олиш ва нострификация учун қандай янги ҳужжатлар топшириш керак?

Тан олиш ёки нострификация ҳақидаги аризанинг янги шакли тасдиқланди. Бундан ташқари, унга бириктирилган ҳужжатлар рўйхатига қуйидагилар қўшилди:

- аризачининг шахсини тасдиқловчи ҳужжат нусхаси;

- тан олиш ва нострификация учун тўлов киритилганини тасдиқловчи ҳужжат.

Қандай ҳолатларда ҳужжат тан олинмаслиги мумкин?

Таълим тўғрисидаги ҳужжатнинг тан олиниш талабларига хорижий таълим муассасасидаги таълим шаклининг Ўзбекистондаги тизим шаклига мувофиқлиги ҳам қўшилди. Масалан, Ўзбекистонда муайян мутахассисликлар бўйича сиртқи таълим шакли тақиқланган бир пайтда сиртқи таълим тўғрисидаги хорижий дипломлар тан олинмайди.

Қандай ҳолларда нострификацияда имтиҳон топширилмайди?

Чет элларда таълим олган битирувчилар ҳужжатлари нострификацияси қуйидаги ҳолатларда тўғридан-тўғри (махсус синовларсиз) амалга оширилади:

- Ўзбекистон Республикасининг халқаро битимлари, Президент ҳужжатлари, Вазирлар Маҳкамаси қарорлари, буйруқлари ва протокол қарорларига асосан таълим олганлар;

- Президент ҳужжатлари, Вазирлар Маҳкамаси қарорларига  мувофиқ Ўзбекистон Республикаси ҳудудида фаолият кўрсатаётган таълим муассасаларида таҳсил олганлар;

- тасарруфида олий таълим муассасаси бўлган вазирлик ва идоралар йўналишлари бўйича мутахассисларни тайёрлаш мақсадида хорижий мамлакатлар томонидан ажратилган квоталар эвазига таълим олганлар;

- халқаро тан олинган ташкилотлар рейтингида илк 500 позицияни эгаллаган таълим муассасаларида таълим олганлар.

Ҳужжатнинг батафсил матни билан Ўзбекистон Республикаси қонунчилигида танишишингиз мумкин.

Кун янгиликлари
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 72202 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 37459 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 21722 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 81757 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 62054 Жамият
Forbes: Бой бўлишдан уялмаган Малкольм Форбс
01:13 2196 Lifestyle
Зидан ҳеч қандай музокараларсиз «Реал» билан шартномани узайтиради
00:53 1486 Спорт
Бразилияда бортида 70 киши бўлган паром чўкиб кетди
00:20 1228 Жаҳон
Германиядаги йўл-транспорт ҳодисасида 44 руминиялик жабрланди
00:17 506 Жаҳон
Шаҳзодалар Уильям ва Ҳарри “Юлдузли жанглар” фильмининг янги қисмида суратга тушишди
23:44 / 23.08.2017 891 Маданият
Кўпроқ янгиликлар