Тошкент вилоятининг учта шаҳри аҳолиси уч кунга газ таъминотисиз қолиб кетди

Жамият 10 Апрель 2017 6336

Чирчиқ, Қибрай ва Ғазалкентнинг бир қисм аҳолиси магистрал газ қувуридаги жиддий авария туфайли уч кунга газсиз қолиб кетди.

8 апрелда Қибрай яқинидаги магистрал газ қувурида авария юз берган. Шу сабабли Тошкент вилоятининг учта шаҳри газ таъминотисиз қолди. Бу ҳақдаги маълумотни "Ўзтрансгаз" АКдаги манба тасдиқлаган.

"Бугун учинчи кун газсиз ўтирибмиз. Кеча нон топиш муаммо бўлиб қолди, чунки нонвойхоналар газда ишлайди, газ эса йўқ", деб айтди Чирчиқ аҳолиси.

"Тошкентгаз таъминоти" УКда маълум қилинишича, мутахассислар аварияни бартараф этиб, шикастланган қисмни тиклашган. Газ Қибрай ва Ғазалкентга тўлиқ етиб борган, Чирчиқда эса газ кўп қаватли биноларга берилмоқда.

"Кеча Чирчиқнинг 60 фоизи газ билан таъминланганди. Бугун мутахассислар кўп қаватли уйларда газни бериш билан шуғулланмоқдалар. Бундай уйлардан шаҳарда 900 тага яқин бор. Чирчиқда газ таъминотининг тўлиқ тикланиши эртанги кунга кутилмоқда", деб айтди "Тошкентгаз таъминоти"нинг эксплуатация бўлими бошлиғи Алишер Мирсаликов.

Унинг айтишича, фавқулодда вазиятларнинг олдини олиш учун кўп қаватли биноларга газ бериш бутун тизимнинг синчков текширилишини талаб қилади, шу сабабли бу жараён бир неча кун олиши мумкин. Авариянинг сабаблари маълум қилинмаган.

Кун янгиликлари
Банкдаги конвертация машмашаси: «Рўйхатда йўқлар»га хизмат йўқми?
16:50 / 22.08.2017 44416 Ўзбекистон
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 61774 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 34141 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 19312 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 73809 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 59898 Жамият
Навоий вилоятида қўшмачи эркак қўлга олинди
16:45 1135 Жамият
Маъмурий ислоҳотлар Концепцияси лойиҳаси жамоатчилик муҳокамасига қўйилди
«Made in Uzbekistan» бренди Тожикистон бозоридан Хитой маҳсулотларини сиқиб чиқармоқда
Араб коалицияси Ямандаги меҳмонхонага авиазарба берди
16:35 737 Жаҳон
Кўпроқ янгиликлар