Жорий йилнинг 11-13 апрель кунлари Тошкент шаҳрида “Туркман киноси кунлари” бўлиб ўтади. Тадбир Ўзбекистон Республикаси Президентининг “Ўзбекистон Республикаси Президентининг Туркманистон Республикаси Давлат ташрифи мобайнида эришилган келишувларни амалга ошириш тўғрисида” 2017 йил 28 мартдаги 4882-Ф-сон Фармойиши ҳамда “Ўзбекистон Республикаси Ҳукумати ва Туркманистон Республикаси Ҳукумати ўртасида 2017-2019 йилларда маданий-гуманитар соҳадаги ҳамкорлик Дастури”га асосан ташкил этилмоқда.

11 апрель куни Алишер Навоий номидаги киносаройида соат 18:00да “Туркман киноси кунлари”нинг тантанали очилиши маросими бўлиб ўтади. Ушбу тадбирларда туркманистонлик киноижодкорлардан иборат делегациянинг ҳам иштирок этиши кўзда тутилган.