АҚШ КХДРга қарши ҳарбий ҳаракатларни Жанубий Корея билан “қалин ҳамкорлик”сиз амалга оширмайди. Бу ҳақда Жанубий Корея мудофаа вазирлиги расмий вакили Мун Сан Гюн сешанба куни маълум қилди.

"(Агарда бундай амалиёт ўтказилса), бу Жанубий Корея ва АҚШнинг қалин ҳамкорлик асосидаги қўшма мудофааси доирасида бўлиб ўтади", - дея айтиб ўтган амалдор.

Унинг аниқлик киритишича, Сеул ҳамда Вашингтоннинг “қалин ўзаро мувофиқлиги” ва “альянс руҳи” бу масала бўйича “аввалдан маслаҳатлашиш”ни назарда тутган.

Эслатиб ўтамиз, АҚШ ўтган ҳафтада Сурияда жойлашган авиабазага ракета зарбаси берди. Бу Қўшма Штатларнинг Шимолий Кореяга огоҳлантирувчи зарба бериши борасида гап-сўзлар тарқалишига олиб келди. Якшанба куни эса АҚШ “Карл Винсон” аваташувчиси бўлган авиагуруҳни Корея ярим оролига йўллагани ҳақида хабарлар пайдо бўлди.

Якшанба куни АҚШ президентининг миллий хавфсизлик масалалари бўйича ёрдамчиси Герберт Макмастер Пхеньянда ядро қуроли бўлиши “номақбул” эканини таъкидлаб ўтди. У шунингдек, Қўшма Штатлар президенти Дональд Трамп ҳарбийлардан “бу таҳдидни йўқ қилиш учун барча имкониятлар мажмуини таклиф этиш” учун тайёр туришни сўраганини қўшимча қилиб ўтган.