Ferrari компанияси дизайн-маркази ўз тарихида биринчи марта офис курсисини яратади. Ҳаммаси бўлиб курсининг икки варианти ўйлаб чиқилган: мос равишда 10 минг ва 7 ярим минг евро турувчи President ҳамда Executive моделлари. Улар Италиянинг Poltrona Frau мебель корхонаси томонидан ишлаб чиқарилади.

Курси корпусини карбондан ёки алютекс материалидан тайёрлаш таклиф этилмоқда. Буюртмачи материал ва қоплама рангини ўз хоҳишига қараб танлаши мумкин, шу билан бирга, курсилар учун қопламалар Ferrari суперкарларида ҳам ишлатилган бўлади.

Курсини ноябрь-декабрь ойларида Poltrona Frau дўконларидан буюртма қилиш мумкин. Улар Ferrari Store’да сотиш учун тақдим этилиши ҳозирча номаълум.

Эслатиб ўтамиз, ўтган йили Porsche ҳам офис курсисини ишлаб чиққанди. У 6570 доллар туради.