Осиё чемпионлар лигасининг 4-тури доирасида «Локомотив» ўз майдонида Эроннинг «Истиқлол» клубини қабул қилди. Учрашув давомида олдинда борган мезбонлар ўйин охирида гол ўтказиб юбориб, ғалабани қўлдан чиқарди. 

Учрашув «темирйўлчилар» жамоасининг ташаббуси билан бошланди ва 14 дақиқада Марат Бикмаев томонидан ҳисоб очилди. Биринчи бўлим тўлиқ мезбонлар устунлигида ўтди.

Иккинчи бўлимда эса эронликлар ташаббусни қўлга олишди. 87 дақиқада «Истиқлол» уюштирган ҳужум гол билан якунланди ва ҳисоб тенглашди.

Шу тариқа, тошкентликлар ғалабадан қуруқ қолди ва жамоа 4 очкоси билан гуруҳдан чиқиш имкониятларини пасайтириб юборди. Бу жамоаларнинг биринчи даврадаги учрашуви «Истиқлол»нинг 2:0 ҳисобидаги ғалабаси билан якунланганди. Эндиликда «Истиқлол» 7 очко билан гуруҳ пешқадамига айланган.

ОЧЛ, А гуруҳи, 4-тур
«Локомотив» - «Истиқлол» 1:1 (1:0)
Голлар: Марат Бикмаев (13) — Кавеҳ Ризоий (87)
«Локомотив»: 1.Игнатий Нестеров, 4.Бобурбек Йўлдошев (Шерзод Файзиев 80), 5.Кахи Махарадзе, 9.Икром Алибоев, 10.Марат Бикмаев, 15.Сардор Мирзаев, 20.Ислом Тўхтахўжаев (С), 33.Олег Зотеев, 42.Муҳаммад Коне, 77.Диёр Туропов (Қувондиқ Рўзиев 64), 99.Жалолиддин Машарипов (Ньоре Кризо (85)
«Истиқлол»: 1.Маҳди Раҳматий, 3.Робсон Жуниарио, 6.Умид Иброҳимий, 9.Кавеҳ Ризоий, 14.Фаршид Бағирий, 17.Али Қурбоний (Беҳнам Барзай 82), 18.Милод Закипуркинжий, 21.Воря Ғафурий (Хусро Ҳайдарий 62), 28.Сайид Муҳсин Каримий (Жобир Ансорий 58), 88.Фаршид Исмоилий, 90.Леандро Падований.
Огоҳлантиришлар: Кахи Махарадзе (39) Шерзод Файзиев (90+3) —  Али Қурбоний (19)