Лукашенко АҚШнинг тажовузкор ташқи сиёсатини танқид қилди

Жаҳон 11 Апрель 2017 12337
Фото: RIA

Беларусь президенти Александр Лукашенко АҚШнинг Суриядаги ҳарбий объектларга берган ракета зарбаларига изоҳ бераркан, давлатлар ички муаммоларини тажовузкор ташқи сиёсати ҳисобига ҳал қилмасликлари кераклигини айтди. 

Лукашенко бу фикрларни "Речицадрев" компанияси меҳнат жамоаси билан мулоқоти вақтида айтиб ўтди.

"Мен ракета зарбалари ҳақида билганимда, жуда афсусландим. Ички масалаларни тажовузкор ташқи сиёсат ҳисобига ҳал қилиш – бу ечим эмас. Бугун Америка бир ўзи ва ҳаттоки НАТО бўйича ўзининг энг яқин иттифоқдошлари билан ҳам бутун дунёни ағдара ёки бошқара олмайди. Нафсни тийиб, катта манфаатларинг бўлган масалалар билан шуғулланиш керак. Бу манфаатлар эса биринчи навбатда Шимолий Америкададир", деб айтган Лукашенко.

Лукашенко матбуот хизмати маълумотларига кўра, Беларусь етакчиси Дональд Трамп халқ томондан АҚШ президенти этиб сайлангани, бироқ мамлакатнинг сиёсий элитаси ва парламенти унга қарши чиқишга ҳаракат қилаётганига эътибор қаратди. Бу вазиятда АҚШ етакчиси сайловолди кампанияси вақтида фуқароларга берган ваъдаларни бажаришга уринмоқда, бироқ бу ташаббусларнинг амалга оширилиши ҳар қандай йўл билан тўхтатилмоқда.

"У мамлакатни бошқара олишини исботлаши керак. У ерда эса бунга халақит қилишмоқда, бунга йўл беришмаяпти. Ва шунда ички сиёсий масалаларни ҳал қилиш ва одамларга ёқиш учун тугма босилади", деб таъкидлаб ўтди Лукашенко.

Лукашенконинг айтишича, Сурияда содир этилган кимёвий ҳужум билан боғлиқ маълумотлар шубҳалидир ва шунинг учун ракета зарбасини беришдан олдин вазиятни батафсил тафтиш қилиш керак эди.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 33056 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 18534 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 71418 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 59077 Жамият
ЕЧЛ-2017/18 қуръасида саватчалар таркиби қандай бўлади?
15:04 52 Спорт
24 август куни Ўзбекистонда қандай об-ҳаво кузатилади?
Ўзбекистон Футбол федерацияси ўзбек футбол мухлисларини «жазо»лади
14:50 2327 Спорт
Google ва Walmart ҳамкорлик ҳақида эълон қилишди
Афғонистон жанубида портлаш юз берди
14:40 361 Жаҳон
Жосусликда айбланиб қамалган Эркин Мусаев озодликка чиқарилди
Кўпроқ янгиликлар