Туризм соҳасини ривожлантириш учун Ўзбекистон ҳукумати томонидан катта эътибор қаратилмоқда. Мамлакатга ташриф буюрувчи сайёҳларга юқори даражада хизмат кўрсатиш учун Ўзбекистонда Radisson BLU, Wyndham, Ramada, Lotte ва бошқа таниқли брендлар остида 430 меҳмонхона фаолият олиб боради. Шунингдек, айни дамда 533 сайёҳлик компанияси хизмат қилади.  

Ўзбекистоннинг бой маданий ва тарихий меросини бутун дунёга тарғиб қилиш ва мамлакатга кўплаб сайёҳларни жалб этиш мақсадида 13-14 апрель кунлари анъанавий "Ҳордиқ дунёси" халқаро туризм кўргазмаси ўтказилади. 

Кўргазманинг асосий мақсади - ташқи ва ички сайёҳлик бозорини ривожлантириш ва саёҳат ишқибозлари учун янги йўналишларни очишдир. 

Кўргазма ташкилотчилари: Ўзбекистон Республикаси Туризмни ривожлантириш давлат қўмитаси ҳамда "Миллий туризм маҳсулотларини тарғибот қилиш маркази" ДУК.  

Кўргазма Ўзбекистон Республикаси Маданият ва спорт ишлари вазирлиги ва Тошкент шаҳар ҳокимияти кўмаги остида  ташкил этилмоқда. 

Кўргазманинг мавзули бўлинмалари:

- ички ва ташқи туризм;

- фаол ва саргузаштли туризм;

- таълим ва соғлиқни сақлаш туризми;

- сайёҳлик маъмуриятлари ва миллий идоралар;

- сайёҳлик агентлиги ва туроператорлар;

- меҳмонхоналар, дам олиш мажмуалари;

- авиакомпаниялар;

- транспорт ва суғурта компаниялари;

- онлайн брон қилиш тизими;

- ОАВ, савдо журналлари/маълумотномалар.

Батафсил: http://www.tourfair.uz