Туркиянинг Ҳусайн А. исмли фуқароси суд томонидан кейинчалик бекор қилинган айблов бўйича 11 йилдан кўпроқ ноҳақ турмада ўтиргани учун товон пули сифатида 9 турк лираси (3 доллардан камроқ) олди. Бу ҳақда Habertürk газетаси маълум қилди. 

Ҳусайн А. 1980 йил майда ҳибсга олиниб, Dev-Sol сўл-радикал гуруҳининг аъзоси сифатида озодликдан маҳрум этилганди. У қамоқда 11 йилу 2 ой ўтказгандан кейин айбловнинг 13 та пункти, жумладан қотиллик ва уни амалга оширишга уриниш айблови бўйича оқланган. Унга конституцион тузумни зўравонлик билан ўзгартиришга уриниш ва ҳужжатларни қалбакилаштириш бўйича қўйилган айбловлар муддати ўтгани сабабли бекор қилинган..

Суд томондан оқланган эркак ўзига 1,2 млн лира (330 минг доллар) миқдорида товон пули тўлашни талаб қилган. Жазони ўташ вақтидаги иш ҳақининг минимал ўлчамидан келиб чиқиб, унга товон пули сифатида 8,78 млн лира белгилаган. Бироқ Туркияда миллий  валютанинг 2005 йилда деноминация қилиниши сабабли ушбу сумма 9 лирагача камайиб кетган.