Россиянинг ҳарбий мақсаддаги маҳсулоти экспортида Осиё 1-ўринни эгалламоқда. Бу ҳақда Россиянинг ҳарбий-техник ҳамкорлик федерал хизмати директори Дмитрий Шугаев маълум қилди.

Шугаевнинг айтишича, қитъалар бўйича тақсимотда Россия 2016 йилда экспорт қилган умумий қурол-аслаҳанинг 53 фоизи Осиё, 42 фоизи Африка, 3 фоизи Шимолий ва Жанубий Америка ҳамда 2 фоизи Европа ҳиссасига тўғри келмоқда.

Шугаевнинг айтишича, бу соҳада Филиппин билан ҳам алоқалар фаоллашган.  

"Филиппин Россия қурол-аслаҳасининг турли намуналарига, биринчи навбатда бронетанк ва ўқ отар техника, вертолёт ва ҳарбий-денгиз кучлари техникасига қизиқиш билдирмоқда", деб таъкидлаб ўтган Шугаев.