Эрон президентлигига 200 нафарга яқин киши рўйхатдан ўтди

Жаҳон 12 Апрель 2017 2982

Жорий йилнинг май ойида Эронда бўлиб ўтадиган президентлик сайловларига номзод сифатида рўйхатдан ўтганлар сони - нақ 200 нафарга яқин. Эрон ислом республикаси (ЭИР) ИИВнинг сайловларни ўтказиш штаби раҳбари Али Асқар Аҳмадий журналистларга ана шундай маълумот берган

Унинг таъкидлашича, маҳаллий вақт билан соат 12:45 ҳолатига кўра, 197 кишининг рўйхатдан ўтказиш сўралган аризаси қабул қилинган. Булардан 189 нафари - эркак, 8 нафари эса - аёл киши. Энг ёши улуғ номзод сифатида 82 ёшли тиш шифокори қайд этилган. Рўйхатдан ўтганларнинг 54 нафари олим даражасига эга, 19 нафари - ҳарбий ҳаракатлар иштирокчилари.

Мамлакатнинг собиқ президенти Маҳмуд Аҳмадинажотнинг номзод сифатида рўйхатдан ўтиши катта муҳокамага сабаб бўлмоқда. Эрон оммавий ахборот воситалари бу воқеага сиёсатчилар ва жамоат арбобларининг муносабатини чоп этишмоқда - уларнинг деярли барчаси собиқ президентнинг ҳаракатларини қоралашмоқда.  

Tasnim агентлиги ўз сайтида ўтган йилнинг сентябрида Аҳмадинажотнинг ЭИР раҳбари оятуллоҳ Али Ҳаманоийга йўллаган мактубини жойлади. Унда собиқ президент ижрочи ҳукумат раҳбарлиги лавозимига ўз номзодини қўйиш режасидан воз кечгани ҳақида маълум қилган. 

11 апрель куни Эрон ИИВда 19 май куни бўлиб ўтадиган президентлик сайловларида қатнашиш учун номзодларни рўйхатдан ўтказишга старт берилди. Ислом Республикаси конституциясига кўра, 40 ёшдан кичик, ислом ва исломий тизимнинг фаол тарафдори бўлган ҳар бир эронлик мамлакат президенти бўлиш ҳуқуқига эга.

Аризалар беш кун давомида қабул қилинади, биринчи куннинг ўзидаёқ 100 дан зиёд киши рўйхатдан ўтган. Эронда ҳар тўрт йилда шундай оммавийлик қайд этилади - сайловлар олдидан бир неча юз киши, баъзан эса мингга яқин номзод рўйхатдан ўтиш учун ариза топширади. 

Сайлов бюллетенларига киритиладиган номзодларнинг якуний рўйхати ЭИРнинг Кузатув кенгаши томонидан тасдиқланади.  

Кун янгиликлари
Давлат ва ОАВ: Ахборот майдонида ҳаммага тенг шароит яратилиши керак
22:00 / 16.08.2017 6768 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 56875 Жаҳон
Ўзбекистон 2019 йилдан хорижга чиқиш паспортларини жорий этади
17:00 / 16.08.2017 37861 Ўзбекистон
Кун.uz офис изламоқда
15:48 / 06.08.2017 38835 Lifestyle
Диққат, огоҳ бўлинг! «Мен Мажбурий ижро бюросиданман»
11:10 364 Жамият
Асака туманида тергов идорасидан яшириниб юрган шахс қўлга олинди
11:09 149 Жамият
Ахборот технологиялари вазирлигининг ҳарбий хизматчилари суғурталанади
Хорижлик сайёҳлар учун виза тартиботлари босқичма-босқич соддалаштирилади
Солиқ ва молия органлари раҳбарларига устама ҳамда жарималар миқдори тасдиқланди
«Барселона»: Биз улар билан шартнома имзолашга яқинмиз
10:56 1120 Спорт
Кўпроқ янгиликлар