БМТ ҳисоб-китобларига кўра, Евроиттифоқ наркобаронлари даромади йилига 24-28 миллиард долларни ташкил қилади. Бу ҳақида БМТнинг гиёҳванд моддалар ва жиноятлар бошқармаси ижрочи директори Юрий Федотовнинг конференцияда берган маълумотига асосланиб, РИА "Новости" хабар берди

"Биргина Евроиттифоқдаги наркобаронларнинг йиллик  даромади тахминан 24-28 миллиард долларни ташкил қилади", - деди Федотов. 

Унинг сўзларига кўра, ўтган йилнинг охирида гиёҳванд моддаларнинг деярли 700 янги тури аниқланган. БМТ маълумотларига кўра, дунё миқёсида гиёҳванд моддаларни истеъмол қилувчилар сони тахминан 30 миллионни ташкил қилади. Гиёҳванд моддалар истеъмоли натижасида йилига ўртача 200 минг киши ҳалок бўлади.