Хитой Антарктидада аэродром қуришни 2018 йилда бошлайди. Бу ҳақда Хитой қутб тадқиқотлари Институти директор ўринбосари Сунь Бо маълум қилди.

Сешанба куни Хитойнинг 2016 йил 2 ноябрь куни бошланган 33-арктик экспедицияси якунланди. Ичида экспедициянинг 256 аъзоси бўлган "Сюэлун" ("Қор аждари") музёрар кемаси 161 кун давомида 31 минг денгиз милясини босиб ўтди.

"Бошланишида аэродром фақатгина учиш-қўниш йўлагига эга бўлади, шунинг учун қурилиш осон кечмайди – бизга танланган жойни текислаш ва уни шундай ҳолатда сақлаб туриш талаб этилади", - дея маълум қилган Сунь Бо China Daily газетасига. Унинг сўзларига кўра, аэродром Хитойнинг "Чжуншань" арктик станцияси ёнида жойлашади.

Унинг қайд этишича, аэродром қурилиши Хитойнинг 34-арктик экспедицияси вақтида бошланиши керак, у Антарктидага жорий йилнинг охирига қадар етиб боради. Сунь Бо Хитой келажакда аэродромдан катта самолётлар махсус чанғиларсиз фойдаланиши учун бошқа учиш-қўниш йўлакларини ҳам қуришини маълум қилди.