Жанубий Корея Электроника ва телекоммуникациялар тадқиқот институти графендан OLED-дисплейлар учун шаффоф электродлар ишлаб чиқилганини эълон қилди. Институт олимлари шундай натижага эришган. Бу унчалик ҳам шов-шувли туюлмаслиги мумкиндир, бироқ аслида дисплейлар ишлаб чиқарувчилар учун жиддий олға силжишдир. Икки ўлчамли битта углерод атомидан ишлаб чиқилган графеннинг ажойиб хусусиятларига кўра, айтиш мумкинки, ундан ясаладиган дисплейлар жуда юқа ва эгилувчан бўлади. Бундан ташқари, бу экранларни кийимнинг бирор қисмига тикиш ёки бошқа электроника қурилмасига ёпиштириб қўйса бўлади. 

Графен ажойиб акс эттириш хусусиятларига эгалигидан ташқари, енгил, пишиқ ва эгилувчандир. Шу билан бирга, иссиқлик ва электр энергиясини ўтказувчанлиги ҳам юқори. Айтиш жоизки, дунёдаги юзлаб тадқиқот гуруҳлари ушбу материални турли соҳаларда қўллаш мумкинлигини аниқлашмоқда. Жанубий кореяликлар эса, графен ёрдамида мавжуд OLED технологиясини такомиллаштиришга уриниб кўришди ва уддасидан чиқишди. Улар индий-қалай оксиди (ITO) электродларини тўлиқ графен электродларига алмаштириб кўришди. 

Янгиликнинг асосий моҳияти шундан иборатки, ITO жуда заиф ҳисобланади, графенни эса хоҳлаганча букиш мумкин, бунда унга ҳеч нарса қилмайди. Мазкур технология 370ммга 470 ммм бўлган дисплейда синаб кўришган. Графенли электродлар қалинлиги 5 нанометрдан ошмаган. 

«Бизлар ишлаб чиққан нарса эгилувчан OLED-дисплейлар ишлаб чиқишда жуда зарурдир. Ушбу технология Корея ва шу каби тадқиқотлар олиб бораётган Хитой ўртасидаги фарқни янада кенгайтиради», — деган лойиҳа раҳбари Чо Нам Сун.