Lincoln янги Navigator йўлтанламасини намойиш этди

Технология 12 Апрель 2017 4093

Американинг Lincoln компанияси янги авлод Navigator йўлтанламасини намойиш қилди. Унинг жаҳон тақдимоти Нью Йоркдаги моторшоуда бўлиб ўтди. Модель ўтган йилги концепт-карни аниқ такрорлайди. 

Янги «Навигатор» Ford F-150 шасси негизида ишлаб чиқилган, унинг кузови эса алюминийдан ясалган. Бу билан машина вазни салкам 91 кг енгиллашган. 

Улкан йўлтанламасни 3,5 литрли, EcoBoost битурбо V6 мотори ҳаракатга келтиради. Двигатель от кучи 385 от кучидан 456 от кучига ошган. Агрегат 10 босқичли АУҚ (автомат узатмалар қутиси) билан бирга ишлайди. Бунда, узатмани танлашда олд панелдаги махсус тугмалар босилади. Компания унинг динамик хусусияти ва ёқилғи сарфига доир маълумотларни ошкор қилганича йўқ. 

Машина салонида 12 дюйм экранли рақамли ускуналар панели пайдо бўлган. SYNC 3 мультимедиа тизимининг янги катта экрани ҳам ўрнатилади. Бу тизим Apple CarPlay ва Android Auto иловаларини қўллаб-қувватлайди. Бундан ташқари, проекцион дисплей, 360 даражали камера, мослашувчан круиз-назорат, 30 хил массажли олд ўриндиқлар ҳамда 20та овоз кучайтиргичли Revel Ultima аудиотизими. 

Унинг бошланғич тўплами 7 ўриндиқ билан таклиф этилади. Иккинчи қаторда 10 дюймли экранларга эга иккита кўнгилочар тизим бўлади. Салонда жами 6та USB-тирқишлар, 4та 12 вольтли ва битта 110 вольтли розеткалар бор.

Йўлтанламаснинг энг қиммати намунаси Black Label бўлади. Автомобиль савдолари шу йилнинг кузидан бошланади. 

Кун янгиликлари
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 10625 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 78112 Ўзбекистон
Шавкат Мирзиёев раислигида видеоселектор йиғилиши бўлиб ўтмоқда
Жаҳон иқтисодиётининг ўсиши сўнгги 7 йилдаги максимумга етди
Аҳолининг ижтимоий ҳимояга муҳтож қатламларига қандай тиббий хизматлар кўрсатилади?
Фото: Паулиньо «Барселона» футболчиси сифатида таништирилди
18:31 219 Спорт
Тошкентда ЙПХ ходимларига Honda мотоцикллари берилди (Видео)
Қорақалпоғистонда электр таъминоти корхонаси ходими ўзи ёзган 1,5 млн сўмлик жаримани ўз ҳисобидан тўлади
18:18 1046 Жамият
Австралия биткоинларга оид қонунчиликни кучайтиради
Генерал Лининг эвараси Шарлотсвиллдаги тўқнашувларни қоралаб чиқди
18:11 299 Жаҳон
Кўпроқ янгиликлар