Пентагон Афғонистонда энг катта ноядровий бомбани қўллади

Жаҳон 13 Апрель 2017 65172

АҚШ биринчи марта жанговар шароитларда энг катта ноядровий бомбани ИШИДнинг Афғонистондаги жангариларига қарши қўллади. Бу ҳақда Пентагон матбуот хизматида маълум қилинди.

"Зарба Нангархор вилоятининг Ачин туманига 13 апрелда берилган. Зарбадан мақсад ИШИД жангарилари, улар ҳаракатланиш учун қўллаган туннеллар тизимини нишонга олиш бўлган. GBU-43 бомбаси қўлланган", деб айтди Пентагон вакили. 

Ташланган бомба энг катта ноядровий бомба бўлиб, "барча бомбаларнинг онаси" деган норасмий ном ҳам олган. 

Ўта қудратли авиацион фугас бомба MC-130 самолётидан ташланган. Унинг қўлланиши ҳақидаги буйруқни генерал Жон Николсон берган. Маълумотларга кўра, бундай бомбанинг оғирлиги 9,5 тоннани ташкил қилади. 

Пентагон вакилларининг таъкидлашича, тинч аҳоли ўртасида қурбонлар бўлмаслиги учун барча эҳтиёт чоралари кўрилган.

Пентагонда ушбу операция устида бир неча ой давомида иш олиб борилгани таъкидлаб ўтилди. 

GBU-43 одатда стандарт бомбалар ва артиллерия зарбаларига дош бера оладиган бункерлар, туннеллар ва бошқа ер ости нишонларига максимал зиён етказишга мўлжалланган бомбадир.

Расмий маълумотларга кўра, АҚШ армиясида бундай бомбадан 15 дона бор. Бомбанинг таъсир доираси 140 метрга тенг. Унинг зарба кучи шунчаликки, портлаш марказидан ярим километргача узоқликда вайроналар юз беради.

Аввалроқ АҚШ президенти Дональд Трамп маъмурияти Афғонистон бўйича янги стратегия ишлаб чиқаётгани ва бу мамлакатда кўпроқ қуролли кучларни қўллашни режалаштираётгани маълум қилинганди.  

 

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 33056 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 18534 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 71418 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 59077 Жамият
ЕЧЛ-2017/18 қуръасида саватчалар таркиби қандай бўлади?
15:04 52 Спорт
24 август куни Ўзбекистонда қандай об-ҳаво кузатилади?
Ўзбекистон Футбол федерацияси ўзбек футбол мухлисларини «жазо»лади
14:50 2327 Спорт
Google ва Walmart ҳамкорлик ҳақида эълон қилишди
Афғонистон жанубида портлаш юз берди
14:40 361 Жаҳон
Жосусликда айбланиб қамалган Эркин Мусаев озодликка чиқарилди
Кўпроқ янгиликлар