Чемпионлар лигаси 1/4 финалида "Боруссия Дортмунд" ўз уйида "Монако"ни қабул қилди. Голларга бой бўлган учрашув 2:3 ҳисобида меҳмонлар фойдасига ҳал бўлди

Ўйиннинг 19-дақиқасида Мбаппе меҳмонларни ҳисобда олдинга олиб чиқди. 35-дақиқада эса Бендер ўз дарвозасига гол киритиб, орадаги фарқни 2тага етказди. Иккинчи бўлимнинг 12-дақиқасида Дембеле орадаги фарқни қисқартирган бўлса, 79-дақиқада Мбаппе дубль қайд этиб, орадаги фарқни яна 2тага етказди. Ўйин тугашига 6 дақиқа қолганида эса Кагава жамоасининг иккинчи голини киритиб, якуний ҳисобни ўрнатди. 

Голлар: 0:1 – 19 Мбаппе, 0:2 – 35, автогол Бендер, 1:2 – 57 Дембеле, 1:3 – 79 Мбаппе, 2:3 – 84 Кагава.
Боруссия Д – Бюрки, Папастатопулос, Гинтер, Шмельцер (Пулишич, 46), Геррейру, Вайгль, Бендер (Шахин, 46), Кагава, Пишчек, Обамеянг, Дембеле.
Монако – Субашич, Глик, Фабиньо, Раджи, Жемерсон, Лемар, Бернарду Силва (Дирар, 66), Мбаппе, Моутинью, Туре, Фалькао (Жермен, 85).
Огоҳлантиришлар: Папастатопулос (16), Гинтер (40), Жемерсон (46), Лемар (58), Дирар (69), Фабиньо (81), Субашич (87).

Жамоалар ўртасидаги жавоб ўйини 19 апрель куни бўлиб ўтади.