АҚШ давлат котиби Рекс Тиллерсон Россия ва АҚШ муносабатларидаги энг мураккаб муаммоларни ҳал қилиш бўйича Россия-АҚШ ишчи гуруҳи яратилишини тасдиқлади.   

"Ҳаммамиз учун муҳим ҳисобланган ҳамда энг узоқ давом этувчи ва мураккаб масалаларни ҳал қилиш бўйича ишчи гуруҳ яратишга келишиб олдик", деб Россия ташқи ишлар вазири Сергей Лавров билан музокаралар натижаларига кўра айтди Тиллерсон.  

"Биз давлатларимиз ўртасида ишончни тиклаш ва муносабатларнинг ёмонлашишини тўхтатиш учун барча ишни қилишимиз керак", деб қўшимча қилди Тиллерсон.

Унинг айтишича, Вашингтон ва Москва ҳарбий ва дипломатик каналлар бўйича алоқаларни сақлаб қолиши керак.

Суриядаги вазият

Тилерсоннинг айтишича, Москва ва Вашингтон бирлашган ва барқарор, террорчилар бошпана топа олмайдиган Сурияни қўллаб-қувватлашларини айтганлар. 

АҚШ давлат котибининг айтишича, томонларнинг фикрлари мос тушмаётган мавзу Сурияда кимёвий қуролнинг қўлланиши масаласи бўлиб турибди.

"Аёнки, бу фикрларимиз мос келмайдиган мавзудир, чунки Россия объектив тергов ўтказилишини талаб қилмоқда", деб айтди Тиллерсон.

Россияга қарши санкциялар

Тиллерсоннинг айтишича, Украина сабабли Россияга қарши киритилган санкциялар Лавров билан муҳокама қилинмаган.  

"Биз санкциялар мақомини ўзгартириш масаласини муҳокама қилмадик", деб айтган Тиллерсон.

Корея ярим оролидаги вазият

Тиллерсоннинг таъкидлашича, Россия ва АҚШ Шимолий Кореяни ядровий қуролсизлантиришга розилар.

Тиллерсон, шунингдек, АҚШ флотининг Корея яримороли яқинида манёврлар олиб бораётганига изоҳ берди. Унинг айтишича, манёврлар аввалдан режалаштирилган ва ҳеч қандай ҳарбий мақсадни кўзламайди. "АҚШ ҳарбий-денгиз кучларининг зарба берувчи гуруҳи, хусусан Carl Vinson авиаташувчи кемаси Тинч океанида қолмоқда, унинг Корея яримороли яқинида ҳаракатланиши ҳарбийларимиз томонидан режалаштирилган. Уларда у ерда ҳеч қандай муайян мақсад йўқ", деб айтган АҚШ давлат котиби.