Сергели туманида автобус ЙТҲга учради: 9 нафар йўловчи касалхонага етказилди

Жамият 13 Апрель 2017 9842

Чоршанба, 12 апрель куни пойтахтнинг Сергели туманида соат 19.00да, Тошкент ҳалқа автомобиль йўлида 297-рақамли автобус ЙТҲга учради. Бу ҳақда Nuz.uz хабар бермоқда.

Янгийўл-Фарҳод бозори йўналиши бўйлаб ҳаракатланган “Исузу” йўловчи автобусининг 32 ёшли ҳайдовчи бошқарувни йўқотиб, йўл четидаги тўсиққа бориб урилган.

Тошкент ИИББ ЙҲХББнинг хабар беришича, йўл-транспорт ҳодисаси туфайли тўққиз нафар йўловчи жабрланган. Уларнинг барчаси Республика шошилинч тиббий ёрдам илмий марказига етказилган. Ҳайдовчининг ўзи ЙТҲда жароҳатланмаган.

Ушбу ҳолат бўйича суриштирув ишлари олиб борилмоқда.

Кўпроқ янгиликлар