Трамп АҚШ ва НАТО Россия билан "келишиб олиши"га умид билдирди

Жаҳон 13 Апрель 2017 10136
Фото: AP

АҚШ давлат котиби Рекс Тиллерсон Россия ҳукумати вакиллари билан Москвада бўлиб ўтган учрашувларда "АҚШ ва унинг иттифоқчилари манфаатларини илгари суриш билан" "ажойиб иш қилди". Америка президенти Дональд Трамп НАТО бош котиби Йенс Столтенберг билан Оқ уйда ўтказган қўшма матбуот анжуманида шундай баёнот берди. 

"Мен, шунингдек, давлат котибимиз Рекс Тиллерсоннинг НАТОни мустаҳкамлашда бажарган улкан ишини ҳамда Қўшма Штатлар ва унинг иттифоқчиларининг манфаатларини илгари суриш учун Москвага сафарини қайд этмоқчиман", - деган Трамп. 

Америка етакчисининг сўзларига кўра, АҚШ давлат котиби Россия пойтахтида "жуда муваффақиятли" учрашувларни ўтказган. У, шунингдек, Москвадаги музокаралар кутилганидан ҳам яхшироқ бўлгани эҳтимолини билдирди. 

"Якуний натижани анча вақтдан кейин кўрамиз. Суҳбатлар асосийси эмас. Ўйлайманки, эшитганларимга қараганда, ҳаммаси кутилганидан ҳам яхши ўтган", -дея қайд этган Оқ уй раҳбари. 

Трамп Қўшма Штатлар ва НАТО Россия билан "келишиб олиши"га умид билдирди. "Агар НАТО ва бизнинг мамлакатимиз Россия билан келишиб олганида ажойиб бўлар эди. Ҳозирда, биз умуман келиша олганимиз йўқ", - деган Трамп. У айни вақтда икки мамлакат ўртасидаги муносабатлар "энг қуйи даражада" экани хусусида фикр билдирди. 

"Аммо кўрамиз, нима бўларкин. Путин – Россия етакчиси,  Россия – кучли давлат. Биз - жуда, жуда кучли давлатмиз. Кўрамиз, бундан нима чиқар экан", - деб қўшимча қилган Америка етакчиси. 

Кейинроқ, унга Европа мамлакатлари Россиядан нима кутишлари кераклиги хусусида савол берилди. Россия уларга қандай таҳдид солмоқда? "Умид қиламанки, алалоқибат, уларга ҳеч нарса таҳдид солмайди. Аммо ҳозир қўрқув бор. Муаммолар борлиги ҳам аниқ", - деб жавоб берган президент.

"Ҳозир бўлаётган воқеалар - ақлсизлик. Қаёққа қараманг – Яқин Шарқ, Украина – ҳамма ерда муаммолар, жуда кўп муаммолар. Якунда, ўйлайманки, биз бу муаммоларнинг аксаридан қутиламиз. Ва ҳеч ким ҳеч кимдан қўрқмайди", - дея хулоса қилган Трамп.

Кун янгиликлари
Ўқишга кира олмадингизми? Ташвишланманг, талаба бўлишингиз мумкин 
16:32 / 17.08.2017 38647 Жамият
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 14106 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 90953 Ўзбекистон
Кекса немис Исландияга эски тракторда саёҳатга жўнади
ОАВ: МРБ Испанияда теракт тайёрланаётганидан огоҳлантирган
23:46 / 17.08.2017 471 Жаҳон
Янги ўқув йилида олий ўқув юртларида ўқиш учун контракт пули ошмайди
23:30 / 17.08.2017 2331 Ўзбекистон
Йўқолган никоҳ узук 13 йил ўтиб сабзида топилди
23:25 / 17.08.2017 3319 Жамият
Барселонадаги теракт гумондорлари қўлга олинди
23:20 / 17.08.2017 1495 Жаҳон
Хайрулла Нуриддинов МТРК раиси  ўринбосарлигидан кетди
23:15 / 17.08.2017 3701 Ўзбекистон
Фото: Австралияда дунёдаги энг кучли қуёш электростанцияси қурилади
23:10 / 17.08.2017 674 Технология
Кўпроқ янгиликлар