Afg‘onistonda eng katta noyadroviy bomba IShIDning 30 dan ortiq jangarisini yo‘q qildi

Afg‘oniston hukumati AQSh tomonidan o‘ta kuchli GBU-43/B Massive Ordnance Air Blast fugas bomba tashlanishi tufayli IShIDning kamida 36 jangarisi yo‘q qilinganini xabar berdi. Bu haqda Reuters ma'lum qilmoqda.

Avvalroq CNN telekanali o‘z manbalariga asosan AQSh Afg‘onistonga MC-130 samolyotidan “barcha bombalarning onasi”ni tashlagani haqida xabar bergandi. U IShID jangarilarining tunnellarini yo‘q qilishni maqsad qilgan.

Keyinchalik Pentagon vakillari Afg‘onistonda o‘ta kuchli bomba qo‘llanganini tasdiqladi. Amerika maxsus xizmatlari sobiq xodimi Edvard Snouden esa AQSh GBU-43/B fugas bombasi tashlangan tunnellar yaratilishini o‘zi moliyalashtirgani haqida ma'lum qildi.