АҚШ ва Россия Сурияда хавфсизликни таъминлаш механизмини тиклашди

Жаҳон 14 Апрель 2017 9214

Россия президенти Владимир Путин ва АҚШ давлат котиби Рекс Тиллерсон 12 апрелдаги учрашувда Россия ва АҚШ ўртасидаги ишончнинг паст даражада эканлигини қайд қилишди ва уни тиклашга қарор қилишди, деб маълум қилди Давлат департаменти расмий вакили Марк Тонер.

"Давлатларимиз ўртасида ишонч даражаси деярли тарихий паст кўрсаткичда эканлиги тан олинди", деб айтди Тонер.

"Путин билан учрашувда нима учун бундай ҳолга тушиб қолганимизнинг тарихи эслаб ўтилди. Уларнинг иккиси нима учун бир давлат баъзи соҳаларда бошқа давлатга нисбатан аччиқланаётганини яхшироқ тушунишга ҳаракат қилишди. Охир-оқибат улар бу ишончнинг бирор қисмини бўлса ҳам тиклаш учун йўллар, имкониятлар топиш йўли борлигини тан олишди", деб айтди Тонер.

Шунингдек, музокаралар натижаларига кўра, икки давлат ҳарбийлари ўртасида ихтилофларнинг олдини олиш механизмини тиклашга келишиб олинди.  

"Келишув қанчалик ўзгарганини билмайману, бироқ тушунишимча, у амал қилмоқда", деб айтди Тонер. 

Аввалроқ Россия бу механизмни тўхтатгани юзасидан аниқлик киритиш борасида берилган саволга Тонер "У тикланди", деб жавоб берди.

"Биз ихтилофларни бартараф этишнинг бу каналини жуда муҳим деб ҳисоблаймиз, чунки у Сурияда ҳарбий вазифаларни бажараётганимизда бизнинг ҳам, Россия учувчиларининг ҳам заруриятсиз бир-бирларини хавфга қўймасликларини таъминлашга имкон беради", деб қўшимча қилди Тонер.

Ўз навбатида Пентагонда айни вақтда бу меморандум амал қилаётгани ҳақида изоҳ беришдан бош тортилди. Пентагон вакили майор Эдриан Рэнкайн-Галлоуэй "коалиция ва Россия ўртасидаги суҳбатлар оммавий ошкор қилинмаслигини" айтди.

Меморандум Вашингтон Суриядаги авиабазага ракета зарбаси бергандан кейин Москва томондан тўхтатиб қўйилганди. Кейинроқ Россия Федерация кенгашининг мудофаа ва хавфсизлик қўмитаси бошлиғи Виктор Озеров меморандум президентдан тегишли буйруқ олингандан кейин тикланишини маълум қилганди.

Кун янгиликлари
Қўшимча-контракт асосида ўқишни истайдиганлар нима қилиши керак?
11:30 / 18.08.2017 52885 Ўзбекистон
Судьянинг нохолислиги ёки давлат телеканалининг “шохи” борми?
19:21 / 17.08.2017 108281 Жамият
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 10411 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 20824 Ўзбекистон
Ҳиндистон, Непал ва Бангладешдаги кучли тошқинлар 500 кишининг умрини олиб кетди 
10:08 368 Жаҳон
ФИФА мусобақасида илк марта аёл ҳакамлар ишлайди
10:02 359 Спорт
Съёмка вақтида ҳаёт билан видолашишига сал қолган 6 актёр
09:59 2133 Lifestyle
Porsche 911 эгаси уни бошқа рангга бўятиш учун 100 минг доллар сарфлади
09:55 857 Lifestyle
ОАВ Трампнинг куёви ва Роман Абрамович алоқалари ҳақида хабар топди
09:50 2438 Жаҳон
Конгода ер кўчкиси 200 дан ортиқ кишининг умрига зомин бўлди
09:30 794 Жаҳон
Кўпроқ янгиликлар